საქართველოს პრეზიდენტი სალომე ზურაბიშვილი წმინდა ნინოს გზას დაადგა.

მსვლელობას, რომელიც დღეს ნინოობის დღესასწაულზე ფოკაში დაიწყო, პრეზიდენტი მოუძღვება. მსვლელობა 42 დღე გაგრძელდება და 12 ივლისს მცხეთაში დასრულდება.

როგორც პრეზიდენტმა აღნიშნა, გზას იქამდე გაივლის, სადამდეც შეძლებს. ის მსვლელობისას თან ატარებს წმინდა ნინოს ჯვარს.

„მინდა, სრულიად საქართველოს და ყველას მოვულოცო დღევანდელი დღე. წმინდა ნინო ფარავდეს სრულიად საქართველოს და ჩვენ ყველას. ეს არის უმნიშვნელოვანესი დღე. 1700 წლის წინ შემოვიდა ნინო საქართველოში და იმის მერე საქართველო გამთლიანდა, საქართველო გაქრისტიანდა და დღემდე ეს მადლი მოგვყვება. მე ყველას გისურვებთ, რომ მისი მადლი გფარავდეთ,“ - განაცხადა სალომე ზურაბიშვილმა.

მსვლელობაში პრემიერ-მინისტრი მამუკა ბახტაძე და მთავრობის წევრები მონაწილეობენ. 

ავტორი: ლუკა ცარციძე, ექსპრესნიუსის რეპორტიორი 2019 წლიდან

სოციალური ქსელები

„დეფიციტის ახალი ტალღა“: რუსეთში ბენზინგასამართი სადგურების 70%-ზე მეტს ბენზინი ამოეწურა

„ყველა, ვისაც შეუძლია, ცდილობს თავისი ფულის გატანოს“ - რუსი მილიარდერები კაპიტალის გადარჩენას ცდილობენ

ღარიბაშვილი: წერილი გამომიგზავნა მამუკა მდინარაძემ

ირაკლი ღარიბაშვილი საპატიმროდან დაპირებულ წერილს ავრცელებს