"პატრიოტთა ალიანსის" ლიდერი ირმა ინაშვილი პრემიერ-მინისტრ მამუკა ბახტაძეს მოუწოდებს, სახელმწიფო კომისია შექმნას, რომელიც სიღარიბის პრობლემის მოგვარებაზე იმუშავებს.

ამასთან, დეპუტატმა ოპოზიციის ნაწილისა და პრემიერის კითხვა-პასუხის რეჟიმის გამო უკმაყოფილება გამოთქვა. ინაშვილის განმარტებით, ინტერპლეაციის ფორმატი პოლიტიკური პოპულიზმისთვის და ქულების დაწერისთვის არ უნდა გამოიყენებოდეს.

მან პრემიერს ურჩია, სხვა დროს გარკვეულ კითხვებს წერილობითი ფორმით უპასუხოს და ამისათვის, პარლამენტში მოსვლით დრო არ დაკარგოს.

"დღეს აქ ძალიან კარგი შემადგენლობა ვართ შეკრებილი, მთავრობაც აქ არის, პარლამენტიც აქ არის და ყველამ ერთმანეთს სიმართლე უნდა ვუთხრათ. ინტერპელაციის ფორმათს ძალიან ვაუფასურებთ. ძალიან მნიშვნელოვანია, რომ ამ ფორმატის სიკეთე შევინარჩუნოთ, მაგრამ ის რეჟიმი რაც აქ არის წარმოდგენილი, ეს არის სამარცხვინო. ეს არის გაკეთებული იმისთვის, რომ აი ჩატარდა ინტერპელაცია, მოვიდა პრემიერი და დავიშალეთ. გეკითხებით - დღეს რა ინფორმაცია მიიღო ხალხმა? ვიწვევთ პრემიერის, მაგრამ აქედან არაფერი რჩება, რჩება ჰაერი. მგონი თქვენ ბატონო პრემიერო, უნდა გადახედოთ თქვენს დღისწესრიგს და სხვა დროს, როდესაც ასეთი ტიპის შეკითხვები შემოგივათ, შეგიძლიათ წერილობით გასცეთ პასუხი. ქვეყნის წინაშე არის ძალიან ბევრი გამოწვევა, არავის კითხვებს არ ვუკრიტიკებ. არის სიღარიბის პრობლემა, ბავშვები შიმშილით გვეხოცება და ვერ გავიგე მე, მთელი მთავრობა და პარლამენტი აქ ვსხედვართ და სირცხვილი არ არის, რომ სკოლაში ნისიის რვეული იყოს და ბავშვებს ფუნთუშა ენატრებოდეთ? ასეთი საკითხები გვაქვს და კროსია თუ რა არის? ორ წუთში, სამ წუთში მოასწარით. ეს შეურაცხმყოფელია პარლამენტისთვის. მოგიწოდებთ ამ თვალთმაქცობას დავანებოთ თავი, რეალური ბერკეტები გამოვიყენოთ. შექმენით ბატონო მამუკა სახელმწიფო კომისია და შემიყვანეთ მე, ჩემი კოლეგები ვისაც სურვილი აქვს. დავიწყოთ რეალური მუშაობა ქვეყანაში სიღარიბის დასაძლევად. ვიცი გამოცხადებული გაქვთ, რომ მთავარი გამოწვევა არის სიღარიბა, გვითხარით როგორ უნდა ებრძოლოთ ამ გამოწვევას, თუ არ შეგიძლიათ ჩვენც ჩაგვერთეთ ამ საკითხში, თუ ჩვენც ვერ შევძლებთ მოვიწვიოთ სხვა მცოდნე ხალხი. ამ ხალხისთვის წერილობით შეგეძლოთ კითხვებზე პასუხის გაცემა, მაგრამ პოლიტიკურ პოპულიზმს, ქულების დაწერას ამას რა ვუყოთ მერე?! პრაქტიკულად უზურპირებულია პარლამენტი, მინისტრები კომიტეტების სხდომებზე არ მოდიან, ისინი რომ მოდიოდნენ არ იქნება ასეთი ტიპის ინტერპელაციები საჭირო. მოგიწოდებთ, რეალურად ვიმუშავოთ თუ გვინდა ქვეყანას დავეხმაროთ, თუ არა და აქ ლაყაფისთვის არ ვზივარ მე მაგალითად", - განაცხადა ინაშვილმა.

ავტორი: ლუკა ცარციძე, ექსპრესნიუსის რეპორტიორი 2019 წლიდან

სოციალური ქსელები

მარტა კოსი: დღეს ევროკავშირის გაფართოებისთვის „სუპერ სამშაბათია“ - ჩვენ მოლდოვასა და უკრაინასთან მე-6 კლასტერს ვხსნით

სუს: 9 რეგიონში ჩატარებული ღონისძიების შედეგად, დაკავებული და სისხლის სამართლის პასუხისგებაში მიცემულია 28 პირი

ფოთი - ჭადრაკის ქალაქი. საქართველოს ბანკი ფოთის საჭადრაკო კლუბის მთავარი მხარდამჭერია

საქართველოს ბანკი ქმნის ინკლუზიურ საბანკო მომსახურებას