"ნაციონალური მოძრაობის" წევრი სალომე სამადაშვილი მიიჩნევს, რომ პარტია "ქართული ოცნების" თავმჯდომარე ბიძინა ივანიშვილს მიხეილ სააკაშვილის პატიმრის სტატუსით დაბრუნების ეშინია.

დეპუტატი აცხადებს, რომ სააკაშვილისთვის უკრაინის მოქალაქეობის დაბრუნებით კანონიერება აღდგა. 

"მიხეილ სააკაშვილისთვის უკრაინის მოქალაქეობის აღდგენამ დაადასტურა ის, რასაც ჩვენ ყოველთვის ვამბობდით - ოლიგარქები, როგორც საქართველოში, ისევე უკრაინაში, ერთი და იგივე, უკანონო მეთოდებით ებრძვიან ამ პოლიტიკოსს.  ზელენსკის გადაწყვეტილებამ დაადასტურა ის, რომ მიხეილ სააკაშვილი პოროშენკოს უკანონო გადაწყვეტილების მსხვერპლი იყო. ფაქტობრივად, შეიძლება ითქვას, რომ  კანონიერება აღდგა.  კანონიერება აღდგება აუცილებლად საქართველოშიც, სწორედ ამის ეშინიათ იმ ხალხს, ვინც დღეს ბიძინა ივანიშვილის უკანონო რეჟიმს იცავს და სწორედ ამიტომ აკეთებენ იმ კომენტარებს, რასაც აკეთებენ. რაც შეეხება ექსტრადიციის მოთხოვნას, მე შემიძლია ვთქვა, რომ როდესაც პოროშენკოს სააკაშვილის უკრაინიდან გამოძევების სურვილი ჰქონდა, სწორედ მაშინ, ივანიშვილს ძალიან შეეშინდა სააკაშვილის დაბრუნების საქართველოში, თუნდაც პატიმრის სტატუსით. ძალიან კარგად ესმის ივანიშვილს თუ რას ნიშნავს ჩვენს ქვეყანაში სააკაშვილის თუნდაც პატიმრის სტატუსით დაბრუნება",- განაცხადა სალომე სამადაშვილმა.

ავტორი: ექსპრესნიუსი,

სოციალური ქსელები

მერიამ ე.წ. დეზერტირების ბაზრის მიმდებარედ გარემოვაჭრეების დახლები აიღო

სასამართლომ „ფორმულა“ გოგა ხაინდრავასთვის „მორალური ზიანის მიყენების გამო“ 10 000 ლარით დააჯარიმა

იავნანა ქართულის 1-ელი გაკვეთილი, BOG-ის ინიციატივა საზღვარგარეთ მცხოვრები ბავშვებისთვის

რუსეთის უშიშროება: უკრაინის უსაფრთხოების სამსახური მოსკოვის ოლქში სტრატეგიულ ობიექტზე დრონებით მასშტაბურ თავდასხმას გეგმავდა