2019-05-27 12:51:00, 734 ნახვა
რეგიონი
შუახევში კურსდამთავრებულებს ოქროსა და ვერცხლის მედლები გადაეცათ
შუახევის საჯარო სკოლების 2017-2018 სასწავლო წლის წარჩინებულ კურსდამთავრებულებს დღეს ოქროსა და ვერცხლის მედლები საზეიმო ვითარებაში გადაეცათ.
მუნიციპალიტეტის მასშტაბით, ოქროსა და ვერცხლის მედლების მფლობელი 27 კურსდამთავრებული გახდა, აქედან 18 ახალგაზრდას ოქროს, 9 -ს კი ვერცხლის მედალი გადაეცა. წარჩინებული კურსდამთავრებულებს მედლები მუნიციპალიტეტის საკრებულოს თავმჯდომარე გიორგი დავითაძემ, მერის მოადგილეებმა ომარ ტაკიძემ, რუსდან შავაძემ, საკრებულოს თავმჯდომარის მოადგილე ვახტანგ ზოიძემ და რესურსცენტრის ხელმძღვანელმა ედუარდ გოგრაჭაძემ გადასცეს. დღესვე, დაჯილდოვდნენ მუნიციპალურ კონკურსებში გამარჯვებული მოსწავლეები, მათი პედაგოგები და წარმატებული სკოლის დირექტორები.
(NS)
ავტორი: ექსპრესნიუსი,
epn.ge (@expressnews.ge)
