26 მაისს საქართველო დამოუკიდებლობის 101 წლის იუბილეს აღნიშნავს. ეს ქვეყნის ყველაზე მთავარი და უმნიშვნელოვანესი დღესასწაულია, რომელიც 1918 წლიდან იღებს სათავეს და აერთიანებს მის ყველა მცხოვრებს, განურჩევლად ეროვნებისა, სოციალური და პარტიული კუთვნილებისა.

შუახევში, საქართველოს დამოუკიდებლობის დღეს მრავალფეროვანი ღონისძიებებით აღინიშნება. მოქალაქეებისთვის სხვადასხვა აქტივობა მთელი დღის განმავლობაში იმართება.

დილით, კულტურის ცენტრის ეზოში შეიკრიბნენ ხელისუფლებისა და საზოგადოების წარმომადგენლები, რომლებმაც საქართველოს ტერიტორიული მთლიანობისთვის დაღუპული გმირთა მემორიალი ყვავილებით შეამკეს და დაღუპულებს წუთიერი დუმილით პატივი მიაგეს. მოეწყო საქართველოს დამოუკიდებლობის ამსახველი ფოტო გამოფენა და ფლეშმობი ანსამბლ ,,ზე-კართან“ შესრულებით. გაიმართა სპორტული აქტივობები ჭადრაკში და მაგიდის ჩოგბურთში. 26 მაისის თემატიკაზე ბავშვებმა მოხატეს ეზო. დღესასწაული საზოგადოებას, ადგილობრივებს შუახევის საკრებულოს თავმჯდომარე გიორგი დავითაძემ, მერის მოადგილეებმა ომარ ტაკიძემ, რუსუდან შავაძემ, შუახევის რესურსცენტრის ხელმძღვანელმა ედუარდ გოგრაჭაძემ და ნიგაზეულის საჯარო სკოლის დირექტორმა შაქრო ხიმშიაშვილმა მიულოცეს. საზეიმო ღონისძიებაში მონაწილეობდნენ ,, ზე-კართან", ,, შუახევი", ,,ნაი", ,,ჭვანა", ,,ფესვები", სახელოვნებო სკოლა, სახელოვნებო სკოლასთან არსებული საესტრადო სტუდია და ბუთურაულის ფილიალი. დამოუკიდებლობის დღისადმი მიძღვნილი ღონისძიებები გაიმართება მუნიციპალიტეტის ყველა სტრუქტურულ ერთეულში, საჯარო სკოლებში და ბაგა-ბაღებში.

(NS)

ავტორი: ექსპრესნიუსი,

სოციალური ქსელები

მთავრობამ რუსეთიდან დიზელის საწვავის ექსპორტი აკრძალა, ბენზინისა და თვითმფრინავის საწვავის შემდეგ

ნატოს ქვეყნები ორი წლის განმავლობაში უკრაინას 140 მილიარდი ევროს ოდენობის დახმარება გამოუყოფენ

ყოფილმა მთავარსარდალმა ზალუჟნიმ მოსაზრებას, რომ რუსეთმა ომი წააგო, „სახიფათო და არასწორი“ უწოდა

სააპელაციომ მკვლელობის მცდელობაში ბრალდებულს 17 წლით პატიმრობა მიუსაჯა