საარჩევნო უბნებზე კოორდინატორების ყოფნა ამომრჩევლის მობილიზების ერთ-ერთი კანონიერი ფორმაა, - ამის შესახებ პარლამენტის ვიცე-სპიკერმა თამარ ჩუგოშვილმა „ქართული ოცნების“ ოფისში გამართულ ბრიფინგზე განაცხადა.

როგორც მან აღნიშნა, კანონს ისინი არღვევენ, ვინც კოორდინატორებს ავიწროებს.

„რაც შეეხება კოორდინატორების ყოფნას საარჩევნო უბნებთან, - ეს, რატომღაც, ყველა არჩევნების წინ  დიდი აჟიოტაჟის საგანი ხდება, მიუხედავად იმისა, რომ არანაირი კანონდარღვევა ეს არ არის. სიები და ინფორმაციები რომლებიც მათ აქვთ, არის აბსოლუტურად ღია წყაროდან მოპოვებული ინფორმაცია, ეს არის ან გამოქვეყნებული ღია სიები, ან კარდაკარიდან მოპოვებული ინფორმაცია. შესაბამისად, ეს არანაირი კანონდარღვევა არაა, პირიქით - ჩვენ ვხედავთ, რომ ადგილი აქვს  მათი შევიწროების მცდელობას,  თავდასხმის მსგავს ქმედებებს და ჩემი აზრით, ესაა სწორედ უკანონო. ამიტომ, ვისაც აქვს უფლება საარჩევნო უბანთან იდგეს და არ არღვევს კანონს,  ამ ხალხის შევიწროება არ არის სწორი, ვაცადოთ ამ ხალხს თავისი საქმის გაკეთება, ისინი ემსახურებიან ერთადერთ მიზანს, რომ ამომრჩევლის მობილიზებას ჰქონდეს ადგილი.  ამომრჩევლის მობილიზება კანონიერი ქმედებაა და ყველა საარჩევნო პროცესში გამოიყენება. ესთეტიკურად ეს როგორ გამოიყურება და მოგვწონს თუ არ მოგვწონს, ეს სხვა საკითხია, შეიძლება ვთქვათ, რომ ამომრჩევლის მობილიზების სხვა ფორმები უკეთესია და სამომავლოდ შევთანხმდეთ, რომ სხვა ფორმები გამოვიყენოთ, მაგრამ უკანონო ამ ქმედებაში არაფერი არ არის", - განაცხადა თამარ ჩუგოშვილმა. 

ავტორი: ექსპრესნიუსი,

სოციალური ქსელები

აშშ-ში თავშესაფრის მისაღებად ყალბ ისტორიებს ქმნიდნენ – პროკურატურამ ბრალდება 4 პირს წარუდგინა

კალაძე: "დიფსთეითი" თანამედროვე მსოფლიოსთვის უდიდესი პრობლემაა

გაზსადენზე მომხდარი ავარიის გამო დიღომში, დიდ დიღომსა და გლდანის რაიონში 4600 აბონენტს გაზის მიწოდება შეუწყდა

მერიამ ე.წ. დეზერტირების ბაზრის მიმდებარედ გარემოვაჭრეების დახლები აიღო