9 აპრილს დაღუპულთა ხსოვნას „ქართული ოცნების“ ახალგაზრდულმა ორგანიზაციამ პატივი მიაგო

2019-04-09 12:51:44, 1277 ნახვა

საზოგადოება

„მადლობა თავისუფლებისთვის“ - 9 აპრილს დაღუპულთა ხსოვნას „ქართული ოცნების“ ახალგაზრდულმა ორგანიზაციამ პატივი მიაგო

9 აპრილს დაღუპულთა ხსოვნას გვიან ღამით რუსთაველის გამზირზე პატივი მიაგეს „ქართული ოცნება-დემოკრატიული საქართველოს" ახალგაზრდული ორგანიზაციის წარმომადგენლებმა.

„ზუსტად ამ ადგილას, 30 წლის წინ, ქართველმა ერმა, კონსოლიდირება შეძლო. მადლობა თავისუფლებისთვის - მოპოვებულ თავისუფლებას განმტკიცება სჭირდება და ზუსტად ახალგაზრდები უნდა იყვნენ ის ადამიანები, ვინც შეძლებენ, ქართული სახელმწიფოს ევროპული არჩევანის გაზა კიდევ უფრო განამტკიცონ - განაცხადა „ქართული ოცნების" ახალგაზრდული ორგანიზაციის ლიდერმა გიორგი ჩაკვეტაძემ.

ახალგაზრდული ორგანიზაციის წევრებმა 9 აპრილს დაღუპულთა მემორიალთან ასფალტზე სანთლებით მადლობა დაწერეს და ჰაერში მანათობელი ფრანები გაუშვეს.

(NS)

Patreon P მხარი დაუჭირე "ექსპრესნიუსს" →

ავტორი: ელენე გვიმრაძე, ექსპრესნიუსის რეპორტიორი 2018 წლიდან