სოფლის მხარდაჭერის პროგრამის ფარგლებში ოლადაურის ადმინისტრაციული ერთეულის ჯუმუშაურის, ოლადაურის, მაწყვალთისა და კარაპეტის სოფლებში კრებები გაიმართა.

პრიორიტეტების შერჩევის პროცესს შუახევის მერი ფრიდონ ფუტკარაძე, საკრებულოს თავმჯდომარე გიორგი დავითაძე, შუახევის რესურსცენტრის უფროსი ედუარდ გოგრაჭაძე, მერის წარმომადგენელი ოლადაურის  ადმინისტრაციულ ერთეულში ვახტანგ ფუტკარაძე და მერის წარმომადგენლის თანაშემწე ავთანდილ ნაკაიძე ესწრებოდნენ.

შუახევის მერმა ადგილობრივებს,  სოფლის მხარდაჭერის პროგრამასა და მასში მოსახლეობის ჩართულობის მნიშვნელობაზე, პროგრამის პრიორიტეტებზე  ესაუბრა და  ის მიმდინარე და დაგეგმილი პროექტებიც გააცნო, რაც მუნიციპალიტეტში უახლოეს მომავალში განხორციელდება გარდა სოფლის მხარდაჭერით განსახორციელებელი მცირემასშტაბიანი პროექტისა.

შეხვედრებზე კენჭისყრის შედეგად მოასახლეობამ შემდეგი პრიორიტეტები განსაზღვრა:

ჯუმუშაური - სანიაღვრე არხის და გზაზე ბეტონის საფარის მოწყობა;

ოლადაური - გარე განათების ქსელის მოწყობა;

მაწყვალთა - გარე განათების ქსელის მოწყობა;

 კარაპეტი - არსებული გარე განათების ქსელის დასრულება და წისქვილის რეაბილიტაცია;

სოფლის მხარდაჭერის ფარგლებში მოსახლეობასთან შეხვედრები ხვალ ოლადაურის ადმინისტრაციული ერთეულის გორის, მახალაკიძეების, პაპოშვილების სოფლებში და ჭვანის  ადმინისტრაციული ერთეულის სოფლებში გაიმართება.

შუახევის მუნიციპალიტეტში  სოფლის მხარდაჭერის პროგრამის ფარგლებში საერთო კრებები 14 მარტს  დაიწყო და ხვალ დასრულდება.

(NS)

ავტორი: ექსპრესნიუსი,

სოციალური ქსელები

კალაძე: კომპანია მარიჯანის N4-ში რომელიც ამჟამად აწარმოებს სამუშაოებს, თავად დაზარალებულებმა შეარჩიეს

თბილისში უკრაინაში დაღუპული მოხალისეების ხსოვნისადმი მიძღვნილი მსვლელობა გაიმართება

შეერთებულმა შტატებმა საქართველოს სასაზღვრო კომუნიკაციებისთვის ათობით როუტერი გადასცა

შინაგან საქმეთა სამინისტრომ „ქურდულ სამყაროსთან” კავშირში მყოფი 29 პირი დააკავა, ხოლო 3 პირს ბრალი დაუსწრებლად წარედგინება, მათ შორის ერთი ”კანონიერი ქურდია”