სოფლის მხარდაჭერის პროგრამის ფარგლებში მოსახლეობასთან შეხვედრები დღეს, დღვანის ადმინისტრაციული ერთეულის ხუთ სოფელში გაიმართა.

დღვანში, ქიძინიძეებში, კვიახიძეებში, გოგინაურში და ლომანაურში გამართულ კრებებს, შუახევის საკრებულოს თავმჯდომარე გიორგი დავითაძესთან ერთად, მერის მოადგილე რუსუდან შავაძე, აჭარის ა. რ. ჯანმრთელობისა და სოციალური დაცვის მინისტრის მოადგილე ზურაბ თენიეშვილი და ადგილობრივი ხელისუფლების სხვა წარმომადგენლები ესწრებოდნენ.

ხელისუფლების წარმომადგენლებმა მოსახლეობას სოფლის მხარდაჭერის პროგრამის დეტალები, პრიორიტეტები და თანხის განაწილების პრინციპები გააცნეს. ადგილობრივებმა კი მათთვის პრობლემური საკითხები განიხილეს და ძირითადი პრიორიტეტები დაასახელეს.

საერთო კრებებზე პრიორიტეტების შერჩევაში აქტიურობდნენ ქალები. მათი ინიციატივით ქიძინიძეებში გარე განათების ქსელის მოწყობა, დღვანში კი სკოლის მიმდებარე ტერიტორიის კეთილმოწყობა გადაწყდა. ლომანაურში და გოგინაურში ადგილბრივებმა გარე განათების ქსელის მოწყობა გადაწყვიტეს, კვიახიძეებში გზის რეაბილიტაციას დაუჭირეს მხარი.

 დღსვე, პარალელურ რეჟიმში სოფლის კრებები მიმდინარეობდა წყალსაყრის ადმინისტრაციული ერთულის ინწკირვეთის, ნაღვარევის, ჟანივრის, ხაბელაშვილების და ბრილის სოფლებში, რომელსაც საკრებულოს წევრები ფატი ჭაღალიძე, გურამ ზოიძე და ადგილობრივი ხელისუფლების სხვა წარმომადგენლები ესწრებოდნენ.

ბრილში პრიორიტეტად გზის რეაბილიტაცია, ხოლო ნაღვარევში, ჟანივრში, ინწკირვეთში და ხაბელაშვილებში გარე განათების მოწყობა გადაწყდა.

 სოფლის მხარდაჭერის ფარგლებში მოსახლეობასთან შეხვედრები ხვალ ოლადაურის ადმინისტრაციული ერთეულის ოლადაურის, ჯუმუშაურის, მაწყვალთის და კარაპეტის სოფლებში გაიმართება.

(NS)

ავტორი: ექსპრესნიუსი,

სოციალური ქსელები

კალაძე: კომპანია მარიჯანის N4-ში რომელიც ამჟამად აწარმოებს სამუშაოებს, თავად დაზარალებულებმა შეარჩიეს

თბილისში უკრაინაში დაღუპული მოხალისეების ხსოვნისადმი მიძღვნილი მსვლელობა გაიმართება

შეერთებულმა შტატებმა საქართველოს სასაზღვრო კომუნიკაციებისთვის ათობით როუტერი გადასცა

შინაგან საქმეთა სამინისტრომ „ქურდულ სამყაროსთან” კავშირში მყოფი 29 პირი დააკავა, ხოლო 3 პირს ბრალი დაუსწრებლად წარედგინება, მათ შორის ერთი ”კანონიერი ქურდია”