საქართველოში ევროკავშირის სადამკვირვებლო მისიის ხელმძღვანელის, ერიკ ჰოეკის ინფორმაციით, ხურვალეთში, ქართული მხარის მიერ კონტროლირებად ტერიტორიაზე რუსი ჯარისკაცების შემოსვლა არ დასტურდება.

მისი თქმით, ამოქმედებულია ევროკავშირის სადამკვირვებლო მისიის ცხელი ხაზი.

„ევროკავშირის სადამკვირვებლო მისიის პატრულები ამჟამად დიდ ხურვალეში მონიტორინგს ახორციელებენ, ახალი ბორდერიზაციის კუთხით, მოქმედებები არ შეიმჩნევა, არც ინციდენტი დაფიქსირებულა, ამოქმედებულია ყველა მექანიზმი, ცხელი ხაზის ჩათვლით, რომ უზრუნველყოფილი იყოს ყველა კომუნიკაცია“, - წერს ერიკ ჰოეკი „ტვიტერის“ საკუთარ გვერდზე.

ხურვალეთში მიმდინარე პროცესებთან დაკავშირებით ცოტა ხნის წინ განცხადება სახელმწიფო უსაფრთხოების სამსახურმა გაავრცელა. ოკუპანტების ქართული მხარის კონტროლირებად ტერიტორიაზე გადმოსვლას არც სუს-ი ადასტურებს და ყველას მოუწოდებს, პროვოკაციული განცხადებებისგან თავი შეიკავონ.

შეგახსენებთ, სოციალურ ქსელში გავრცელდა ინფორმაცია, რომ სოფელ ხურვალეთში რუსი სამხედროები ქართული მხარის მიერ კონტროლირებად ტერიტორიაზე გადმოვიდნენ და მოსახლეობის კუთვნილ ბაღებში განთავსდნენ. ამასთან, აღსანიშნავია, რომ ხსენებულ ტერიტორიასთან მისასვლელი გზა ქართველ სამართალდამცველებს ამ დროისთვის გადაკეტილი აქვთ.

ავტორი: ,

სოციალური ქსელები

კალაძე: კომპანია მარიჯანის N4-ში რომელიც ამჟამად აწარმოებს სამუშაოებს, თავად დაზარალებულებმა შეარჩიეს

თბილისში უკრაინაში დაღუპული მოხალისეების ხსოვნისადმი მიძღვნილი მსვლელობა გაიმართება

შეერთებულმა შტატებმა საქართველოს სასაზღვრო კომუნიკაციებისთვის ათობით როუტერი გადასცა

შინაგან საქმეთა სამინისტრომ „ქურდულ სამყაროსთან” კავშირში მყოფი 29 პირი დააკავა, ხოლო 3 პირს ბრალი დაუსწრებლად წარედგინება, მათ შორის ერთი ”კანონიერი ქურდია”