ამ ეტაპზე სახელმწიფო ბიუჯეტიდან 10 მილიონ ლარზე მეტია გამოყოფილი, კერძო სტრუქტურებიდან კი მობილიზებულია 7.5 მილიონი ლარი , - ამის შესახებ ფინანსთა მინისტრმა ნოდარ ხადურმა ტელეკომპანია "იმედის" ეთერში, გადაცემა "რეაქციაში" განაცხადა.

მისი თქმით, აქტიურად მიმდინარეობს მუშაობა დონორ ორგანიზაციებთან. ხადურის განცხადებით, ხელისუფლებას აქვს კონკრეტული შემოთავაზებები, როგორც მსოფლიო ბანკისგან, ისე აზიის განვითარების ბანკისგან.

„მაგალითად, ევროკავშირი მზად არის 3 მილიონი ევრო გამოყოს სახლების მშენებლობისთვის. გარდა ამისა, არის სხვა მიმართულებები. ჩვენ აქტიურად ვმუშაობთ იმისთვის, რათა მოვიზიდოთ დაფინანსება, მათ შორის, ეს შეიძლება იყოს გრანტები, შეიძლება იყოს იაფი რესურსი. ამ ეტაპზე ჩვენ გვაქვს შემოთავაზება, რომ აზიის განვითარების ბანკი მზად არის 11 მილიონი დოლარის პრელოკაცია გააკეთოს საქართვლოში განსახორციელებელი ერთ-ერთი პროექტიდან. აღნიშნული პროექტი არ შეჩერდება, ის გაგრძელდება. ჩვენ შეიძლება მუნიციპალური განვითარების ფონდის მეშვეობით თბილისში დავიწყოთ რეაბილიტაცია და ამასობაში სამი თვის განმავლობაში აზიის განვითარების ბანკი მზად არის, დამატებით 57 მილიონი დოლარის შეღავათიან ფინანსურ რესურსზე აწარმოოს მოლაპარაკება, რაც ასევე მოხმარდება დედაქალაქის ინფრასტრუქტურის აღდგენას. მსოფლიო ბანკი, USAID, სხვა ორგანიზაციები ასევე მზად არიან აქტიური მონაწილეობაა მიიღონ ვერეს ხეობის გეოლოგიურ კვლევაში. დღეს გავრცელდა აშშ-ს საელჩოს განცხადება, რომ ისინი მზად არიან როგორც გეოლოგიაში დაგვეხმარონ, ასევე მონაწილეობა მიიღონ ზოოპარკის ახალი ტერიტორიის შერჩევაში და დაგვეხმარონ მის მშენებლობაში", - განაცხადა ხადურმა.

რაც შეეხება იმას დაატყამს თუ არა ეს სახელმწიფო ბიუჯეტს, ხადურის თქმით, ეკონომიკისთვის რთულია ასეთი სტიქიური უბედურებების გადატანა,

„თუმცა ხელისუფლება მზად არის, რომ მოიზიდოს დამატებითი რესურსები, რომელიც სახელმწიფოს შედარებით გაუმარტივებს აღნიშნულ სტიქიასთან ბრძოლას“, - აღნიშნა ნოდარ ხადურმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სტამბოლში სტენდაფ კომიკოსი ერდოღანზე ხუმრობის გამო დააკავეს

რუსეთის ბენზინგასამართ სადგურებზე რიგები ახლა კოსმოსიდანაც ჩანს

ნავთობგადამამუშავებელი ქარხნების დაბომბვებმა ნავთობისა და გაზის ბიუჯეტის შემოსავლები ტრილიონი რუბლით შეამცირა

ოკუპირებული ცხინვალის რეგიონის „საპრეზიდენტო“ არჩევნების ე.წ. ვადამდელი თარიღად 18 სექტემბერი დადგინდა