საქართველოს ვიცე-პრემიერის, ეკონომიკისა და მდგრადი განვითარების მინისტრის, გიორგი კვირიკაშვილის ინფორმაციით, მთავრობა საპარტნიორო ფონდის მანდატის გადახედვაზე მუშაობს.

კითხვაზე, შეიქმნება თუ არა ქვეყანაში მცირე ბიზნესის დახმარების ფინანსური ორგანიზაცია ეკონომიკის მინისტრმა განაცხადა, რომ მთავრობა საპარტნიორო ფონდის დიზაინის და მანდატის შეცვლაზე მუშაობს.

"საქართველოს აქვს განვითარების საფინანსო ინსტიტუტი, რომელსაც ეწოდება საპარტნიორო ფონდი. ჩვენ ვსაუბრობთ მისი მანდატის გადახედვაზე და ამაში გვეხმარება გერმანიის განვითარების საფინანსო კორპორაცია, რომელიც ორ კვირაში წარმოადგენს საჭიროებების შეფასებას, რასაც დაეყრდნობა საპარტნიორო ფონდის მანდატის გადახედვის პროცესი", -განაცხადა გიორგი კვირიკაშვილმა.

მისივე თქმით, ამ ეტაპზე ახალი საფინანსო ინსტიტუტის შექმნაზე საუბარი არ არის. კვირიკაშვილის განცხადებით, საუბარია არსებული ინსტიტუტის დიზაინისა და მანდატის შეცვლაზე.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სტამბოლში სტენდაფ კომიკოსი ერდოღანზე ხუმრობის გამო დააკავეს

რუსეთის ბენზინგასამართ სადგურებზე რიგები ახლა კოსმოსიდანაც ჩანს

ნავთობგადამამუშავებელი ქარხნების დაბომბვებმა ნავთობისა და გაზის ბიუჯეტის შემოსავლები ტრილიონი რუბლით შეამცირა

ოკუპირებული ცხინვალის რეგიონის „საპრეზიდენტო“ არჩევნების ე.წ. ვადამდელი თარიღად 18 სექტემბერი დადგინდა