„ყაზტრანსგაზი“ - სამშენებლო კომპანიამ მილი დააზიანა, 9000-მდე აბონენტს გაზის მიწოდება ავარიულად შეუწყდა

2019-03-01 17:17:43, 1624 ნახვა

საზოგადოება

დავით გურამიშვილის გამზირის #50-თან, სამშენებლო კომპანია „დინ გრუპის“ მიერ წარმოებული მიწის გათხრითი სამუშაოების შესრულებისას, საშუალო წნევის 450 მმ-იანი გაზსადენი დაზიანდა, - ამის შესახებ "ექსპრესნიუსს" "ყაზტრანსგაზიდან" აცნობეს.

მათივე ინფორმაციით, შედეგად თბილისის ამ რაიონში გაზის მიწოდება 9000-მდე აბონენტს ავარიულად შეუწყდა.

კომპანია „ყაზტრანსგაზ-თბილისი“ ბოდიშს უხდის აბონენტებს კომპანიისგან დამოუკიდებელი მიზეზებით შექმნილი დისკომფორტის გამო.

"ადგილზე მობილიზებულია სპეციალური ბრიგადები. აბონენტებისთვის ბუნებრივი გაზის მიწოდების აღდგენის პროცესი ხვალ დილიდან დაიწყება. გთხოვთ, არ დატოვოთ უყურადღებოდ გაზის დანადგარები. ონკანები იქონიეთ დაკეტილ მდგომარეობაში. დამატებითი შეკითხვებისთვის დაგვიკავშირდით 24 საათის განმავლობაში - 2404004", - ნათქვამია განცხადებაში.

(R)

Patreon P მხარი დაუჭირე "ექსპრესნიუსს" →

ავტორი: ,

სოციალური ქსელები