ზაზა გაბუნია - თემქასა და გურამიშვილის გამზირზე ახალი სკოლების მშენებლობა დაიწყება

2019-02-25 10:59:40, 930 ნახვა

საზოგადოება

საქართველოს პარლამენტის რეგიონული პოლიტიკის და თვითმმართველობის კომიტეტის თავმჯდომარის, თემქის და სანზონის მაჟორიტარი დეპუტატის ზაზა გაბუნიას განცხადებით, წელს თემქის 138-ე და გურამიშვილის გამზირზე მდებარე 114-ე ავარიული სკოლების ნაცვლად ახალი სკოლების მშენებლობა დაიწყება.

მისივე თქმით, მშენებლობის პროცესი წელს დაიწყება და მომავალ წელს დასრულდება.

„ეს არის უაღრესად მნიშვნელოვანი საკითხი, რადგან ჩემს სამაჟორიტარო ოლქში მდებარე ეს ორი სკოლა და მათი მდგომარეობა დროულ რეაგირებას ითხოვდა.

მნიშვნელოვანია რომ მაჟორიტარს და განათლების სამინისტროს გვაქვს ძალიან აქტიური და ნაყოფიერი სამუშაო პროცესი.

მინისტრის მოადგილეებთან, ნათია ზედგინიძესთან და ირინა აბულაძესთან ერთად, თემქის 138-ე და სანზონის 114-ე ავარიული სკოლების ნაცვლად ახალი სკოლების მშენებლობის საკითხებთან დაკავშირებული ყველა მნიშვნელოვანი დეტალი განვიხილეთ და სამუშაო პროცესი დავგეგმეთ“, - აღნიშნა ზაზა გაბუნიამ.

Patreon P მხარი დაუჭირე "ექსპრესნიუსს" →

ავტორი: ,

სოციალური ქსელები