ქართული ჰიპ-ჰოპის დამაარსებელი აკაკი ბაბუნაშვილი (შავი პრინცი) გარდაიცვალა

2019-02-05 00:39:27, 2793 ნახვა

საზოგადოება

საქართველოში ქართული ჰიპ-ჰოპის დამაარსებელი აკაკი ბაბუნაშვილი იგივე შავი პრინცი გარდაიცვალა. ამის შესახებ მწერალმა და მისმა მეგობარმა ერეკლე დეისაძემ დაწერა. ინფორმაცია ასევე დადასტურა რეპერმა ჯერონიმომ.

არსებული ინფორმაციით, რეპერი ბათუმში გარდაიცვალა. მიზეზი კი თირკმელთან დაკავშირებული პრობლემა გახდა. ბოლო კონცერტი შემსრულებელმა ქუთაისში 2 თებერვალს გამართა.

ბაბუნაშვილი დაიბადა ქუთაისში 1971 წლის 4 ივლისს .დაამთავრა მუსიკალური შვიდწლედი.
უკრავდა დასარტყამ ინსტრუმენტებზე რუსულ როკ ჯგუფში "ოთხი ტარაკანა"
საქართველოში დაბრუნებისას შეისწავლა ბრეიქ დანსი და გახსნა საკუთარი კოლექტივი "ძებნილი"
2001 წელს გამოეყო ჯგუფს და შეუდგა სოლო კარიერას. საქართველოში პოპულარული 2002 წელს გახდა სიმღერით - ,Mi Bandito".
სახელი შავი პრინცი ქუთაისიდან გამოყვა,რადგან უპირატესობას შავ ტანისამოსს ანიჭებს.
აკაკი ბაბუნაშვილი თვითონ წერდა მუსიკალურ თემებს და სიტყვებს.