პირი, რომლის ბინაშიც დღეს ბუნებრივი აირის გაჟონვის შედეგად, 7 ადამიანი გარდაიცვალა, დაკითხვის დროს შეუძლოდ გახდა. 

ალექსანდრე მურადოვს სამედიცინო დახმარება პოლიციის განყოფილებაშივე აღმოუჩინეს. ადგილზე გამოძახებული ექიმის განცხადებით, პაციენტს ნერვიულობის ნიადაგზე წნევა ჰქონდა მომატებული. მისივე თქმით, მურადოვმა საავადმყოფოში გადაყვანაზე უარი განაცხადა. 

„გამოძახებული ვიყავი მურადოვნთან. არ ვიცი, მაგრამ ვიღაც ჰყავთ დაკითხვაზე, ეს არის თუ სხვა, არ ვიცი...ინერვიულა სავარაუდოდ, იმის გამო, რომ ბინის მეპატრონე ვარო, ჩემს ბინაში რომ მოხდა ეს ამბავიო. ნერვიულობის ნიადაგზე ცოტა გული ჰქონდა აჩქარებული და წნევა ჰქონდა მომატებული. ვუთხარი, თუ გინდათ საავადმყოფოში წაგიყვანთ, თვითონ განაცხადა უარი, იმიტომ, რომ შეიძლება გამოძიებას დავჭირდეო და ამიტომ დარჩა“, - განაცხადა ექიმმა.

ცნობისთვის, „ყაზტრანსგაზის“ თანამშრომლები, მეზობლები და ბინის მეპატრონე, სადაც 7 ადამიანი გარდაიცვალა, პოლიციაში დაკითხვაზე იმყოფებიან. 

შეგახსენებთ, რომ თბილისში, გაზის გაჟონვის შედეგად, 7 ადამიანი გარდაიცვალა. 

ავტორი: ,

სოციალური ქსელები

საქართველოს კინოცენტრი: ლოკარნოს კინოფესტივალზე ფილმი „ცრემლსადენი გაზი“ არ დაგვიბლოკავს

ახალი სასკოლო ფორმების გაყიდვა საქართველოში 1 სექტემბერს დაიწყება

რუსეთი აფხაზეთის ე.წ საზღვარზე საკონტროლო-გამშვები პუნქტის ფეხით მოსიარულეთა მონაკვეთს გააკეთებს

Tv pirveli: ირაკლი ღარიბაშვილთან ციხეში ადვოკატის სახელით მისი ცოლის და შევიდა