ე.წ. სამხრეთ ოსეთის დე-ფაქტო პარლამენტი ამერიკის შეერთებული შტატების მიერ ვენესუელასთვის დაწესებულ სანქციებს ეხმაურება, - ამის შესახებ ინფორმაციას "სპუტნიკ-ოსეტია" ავრცელებს.

როგორც განცხადებაშია ნათქვამი, "აშშ ვენესუელას სუვერენიტეტში უხეშად ერევა". დე-ფაქტო პარლამენტი ვენესუელას ე.წ. პრეზიდენტს, ნიკოლას მადუროს მხარდაჭერას უცხადებს.

"გეოპოლიტიკური ინტერესების რეალიზების ფარგლებში, აშშ-ს განზრახული აქვს ვენესუელაში მორიგი „ფერადი რევოლუციის“ განხორციელება და კარაკასში მარიონეტული რეჟიმის დაწესება, რათა ლათინურ ამერიკაში საკუთარი პოზიციები განამტკიცოს. ამერიკის ხელისუფლების ქმედებები ცხადყოფენ, რომ ვენესუელაში გადატრიალების მცდელობის უკან აშშ დგას, რითაც მასშტაბური სისხლისღვრის პროვოცირებას ახდენს. ვაშინგტონს განზრახული აქვს "ახალი კერის გაღვივება გრძელვადიანი დესტაბილიზაციის" მოსახდენად. ამით, ის ხელს უშლის ვენესუელაში კონფლიქტის მშვიდობიანი გზით დარეგულირებას", - აღნიშნულია განცხადებაში.

ცნობისთვის, ამერიკამ ვენესუელას სანქციები დაუწესა.

შეგახსენებთ, 23 იანვარს ოპოზიციის ლიდერმა, ხუან გუაიდომ საკუთარი თავი ვენესუელის პრეზიდენტად გამოაცხადა. ხუან გუაიდო ვენესუელის დროებით პრეზიდენტად უკვე აღიარეს: არგენტინამ, ბრაზილიამ,  გვატემალამ, ჰონდურასმა, საქართველომ, კანადამ, კოლუმბიამ, კოსტა-რიკამ, პანამამ, პარაგვაიმ,  პერუმ, აშშ-მ, ჩილემ, ეკვადორმა, ისრაელმა. ნიკოლას მადუროს მხარდაჭერა გამოუცხადა რუსეთმა, თურქეთმა, ბოლივიამ, კუბამ, მექსიკამ და ურუგვაიმ.

ავტორი: ,

სოციალური ქსელები

უკრაინის შეიარაღებულმა ძალებმა თათარსტანსა და სარატოვის ოლქში ნავთობგადამამუშავებელ ქარხნებს, ყუბანში მდებარე საკომპრესორო სადგურს და ვორონეჟის ოლქში მდებარე სამხედრო აეროდრომს შეუტიეს.

აშშ-მ ტანკერებზე თავდასხმის შემდეგ ირანული ნავთობით ვაჭრობის ლიცენზია გააუქმა.

Axios: ტრამპმა ირანზე დარტყმების ბრძანება თურქეთში ყოფნისას გასცა

ირანმა დარტყმები განახორციელა რეგიონში მდებარე 85 ამერიკული ობიექტის წინააღმდეგ