თბილისის საქალაქო სასამართლომ ჭიდაობის ფედერაციის პრეზიდენტს გეგა გეგეშიძეს აღკვეთის ღონისძიების სახით 5000-ლარიანი გირაო შეუფარდა.

გადაწყვეტილება მოსამართლე ნიკა მარგველაშვილმა პროკურატურის შუამდგომლობის საფუძველზე მიიღო. გეგეშიძის ინტერესებს ადვოკატი ირმა ჭკადუა იცავდა. 

აღსანიშნავია, რომ პროკურატურას კიდევ ერთი შუამდგომლობა ჰქონდა, რომელიც გეგეშიძის ჭიდაობის ფედერაციის პრეზიდენტის თანამდებობიდან გათავისუფლებას ეხებოდა, თუმცა აღნიშნული შუამდგომლობა სასამართლო არ დააკმაყოფილა და გეგეშიძე დაკავებულ თანამდებობაზე დატოვა. 

სასამართლო პროცესზე გეგა გეგეშიძემ ჭიდაობის ფედერაციის წარმატებაზე ისაუბრა. 

„მე არავის არ ვაშინებ, სამსახურებრივ მდგომარეობას არ ვიყენებ, ან ვინმეს დავაშინებ, ეს არის სისულელე, არც გაქცევას ვაპირებ, არც ვინმეს დაშინებას. ასეთი წარმატებული ფედერაცია არასოდეს ყოფილა", - აღნიშნა გეგეშიძემ.  

შეგახსენებთ, რომ შინაგან საქმეთა სამინისტრომ გეგა გეგეშიძე 22 იანვარს სპორტის სასახლეში მომხდარ ფაქტთან დაკავშირებით დააკავა. გამოძიებით დადგინდა, რომ მიმდინარე წლის 11 იანვარს, სპორტის სასახლეში მომხდარი დაპირისპირებისას, თამაზ გეგეშიძემ ფიზიკური შეურაცხყოფა მიაყენა სპორტსმენ ზურაბ დათუნაშვილს. გამოძიება საქართველოს სისხლის სამართლის კოდექსის 126-ე და 239-ე მუხლებით გრძელდება.

ავტორი: ,

სოციალური ქსელები

რუსეთის საგარეო საქმეთა სამინისტრომ საქართველოს ხელისუფლებას რუსოფობიის თავიდან აცილებისკენ მოუწოდა

რუსეთი საქართველოსა და მოლდოვას ოკუპირებული რეგიონებისთვის მოქალაქეობის მინიჭების საფასურს ცხრაჯერ შეამცირებს

ზახაროვა: დიპლომატიური ურთიერთობების აღდგენის ინიციატივა საქართველოდან უნდა მოდიოდეს

ყოფილმა პრემიერმა ციხიდან გავრცელებულ წერილში ხელისუფლება შანტაჟში დაადაშაულა