ჯანდაცვის მინისტრმა აფეთქებისას დაშავებულები მოინახულა

2019-01-17 15:04:02, 1123 ნახვა

საზოგადოება

დიდ დიღომში აფეთქების შედეგად დაშავებულები საქართველოს ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის მინისტრმა, დავით სერგეენკომ მოინახულა.

ის იაშვილის სახელობის ბავშვთა საავადმყოფოში მყოფი პაციენტის ჯანმრთელობის მდგომარეობას პირადად გაეცნო. ამ დროისთვის, ბავშვი სტაბილურ მდგომარეობაში, ექიმთა მეთვალყურეობის ქვეშ რჩება. მას ქირურგიული ოპერაცია და ყველა საჭირო გამოკვლევა უკვე ჩაუტარდა. იაშვილის სახელობის ბავშვთა საავადმყოფო დილით დატოვა ხუთმა პაციენტმა. მათ ჯანმრთელობას საფრთხე არ ემუქრება.

დღეს ღუდუშაურის სახელობის ეროვნულ სამედიცინო ცენტრს კორპუსის კიდევ ერთმა მცხოვრებმა მიმართა. მას ყველა ყველა საჭირო ინსტრუმენტული კვლევა ჩაუტარდა. 21 წლის ორსულს ნერვული ფონის მატება აღენიშნებოდა. ის ამ დროისთვის, კლინიკაში, შემდგომის დაკვირვებისთვის რჩება. პაციენტი პირადად მოინახულა ჯანდაცვის მინისტრმა.

დიდ დიღომში აფეთქება 16 იანვრის საღამოს მოხდა. შემთხვევას 4 ადამიანი, მათ შორის ერთი ბავშვი ემსხვერპლა. სხეულის სხვადასხვა სიმძიმის დაზიანება მიიღო 8 პირმა.

Patreon P მხარი დაუჭირე "ექსპრესნიუსს" →

ავტორი: ,

სოციალური ქსელები