უკრაინაში დანაშაულებრივი ჯგუფის 13 წევრი დააკავეს, რომლებიც ხალხის ექსპლუატაციით იყვნენ დაკავებული, - ამის შესახებ Strana.ua უკრაინულ პოლიციაზე დაყრდნობით იუწყება.

მედია საშუალების ინფორმაციით, დანაშაულებრივი ჯგუფი უკრაინის მთელ ტერიტორიაზე მოქმედებდა.

სამართალდამცველები აცხადებენ, რომ ჯგუფს ცოლ-ქმარი ხელმძღვანელობდნენ. მამაკაცი საქართველოს მოქალაქეა, ხოლო მისი მეუღლე უკრაინელია. პოლიციის თქმით, ისინი 38 წლის არიან.

მედიის ცნობით, მათ ოდესის ოლქში სოფლის მეურნეობის საწარმო შექმნეს, სადაც ასობით ადამიანი წლების განმავლობაში ანაზღაურების გარეშე მუშაობდა.  სამსახურში ძირითადად სოციალურად დაუცველი ხალხის აყვანა ხდებოდა, რომლებსაც ხშირ შემთხვევაში ქუჩებსა და ვაგზლებზე პოულობდნენ. მათ სტაბილურ ხელფასს, საცხოვრებელსა და კვებას ჰპირდებოდნენ.

იმ ადამიანებს ვისაც ხსენებულ სამსახურზე ითანხმებდნენ, ართმევდნენ ტელეფონებს და საბუთებს, ხოლო ვინც წინააღმდეგობას უწევდა, სცემდნენ. დანაშაულებრივმა ჯგუფმა სულ 100-ზე მეტი ადამიანი მოატყუა. სპეცოპერაციის დროს სამარტალდამცველებმა 94 ადამიანი გადაარჩინეს. ჩხრეკის დროს სამართალდამცველებმა ამოიღეს იარაღი, ავტომობილები და ერთი მილიონი გრივნა.

ავტორი: ,

სოციალური ქსელები

ირანი აცხადებს, რომ ქუვეითში ამერიკული HIMARS-ის რაკეტმზიდები გაანადგურა

გარემოს ეროვნული სააგენტო -თელავში მოსულმა უხვმა ატმოსფერულმა ნალექმა მდინარე თელავისხევის აუზში ღვარცოფული პროცესების მკვეთრი გააქტიურება გამოიწვია

ზელენსკი უკრაინის პრემიერ-მინისტრს და ძალოვან მინისტრებს ცვლის

სიკორსკი: რუსეთს პოლონეთზე თავდასხმის რესურსები არ აქვს, მაგრამ ისინი რაღაცას ამზადებენ