არსებული ინფორმაციით, ახალქალაქში გაერთიანებული ოპოზიციის მხარდამჭერ რემიკ პოღოსიანს თავს დაესხნენ და ფიზიკურად გაუსწორდნენ.

იგი ახალქალაქის რეფერალურ ჰოსპიტალშია გადაყვანილი.

გაერთიანებული ოპოზიციის წარმომადგენლები მომხდარში „ქართული ოცნების“ აქტივისტებს ადანაშაულებენ.

როგორც „ძალა ერთაობაშიას“ საპრეზიდენტო კანდიდატის საარჩევნო შტაბის ხელმძღვანელმა გიორგი ვაშაძემ განაცხადა, ხელისუფლება მოსახლეობის დაშინებას ცდილობს.

„დღეს როცა ივანიშვილი ამბობს, რომ რაღაც შეისმინა ხალხისგან, მეორე ხელით ისინი პირდაპირ დანაშაულს ჩადიან. ამ დანაშაულს ჩადიან დღისით მზისით, ყველას თვალწინ. მათი მცდელობაა, რომ დააშინონ ხალხი. ხალხნო, ვერავის ვერ დააშინებთ ამით, მე ეს მინდა ვუთხრა. ყველა ამ ფაქტს ექნება რეაგირება ჩვენი მხრიდან და პირობას გაძლევთ, რომ თქვენ ახალქალაქს და ნინოწმინდას ყველა ამ დანაშაულებრივი ქმედების გამო, აუცილებლად ტოტალურად წააგებთ მეორე ტურში“, - განაცხადა გიორგი ვაშაძემ.

მომხდართან დაკავშირებით შინაგან საქმეთა სამინისტრომ გამოძიება სსკ-ის 126-ე მუხლით დაიწყო, რაც ცემას გულისხმობს. დაშავებულს სამართალდამცველები კითხავენ.

ავტორი: ,

სოციალური ქსელები

თიბისი კაპიტალმა მაკროეკონომიკური განახლება გამოაქვეყნა

სუხიშვილების ღია სცენა თაკარა ახალი პროგრამით ბრუნდება, ღონისძიებების მხარდამჭერია SOLO (რ)

STEM განათლება მთელი საქართველოსთვის - BOG-ისა და კომაროვის ერთობლივი პროექტი

მაკა ბოჭორიშვილი მარკო რუბიოს მიწვევით ვაშინგტონში მინისტერიალში მიიღებს მონაწილეობას