მმართველი პარტიის მიერ მხარდაჭერილი საპრეზიდენტო კანდიდატი, სალომე ზურაბიშვილი, „ევროპული საქართველოს“ საპრეზიდენტო კანდიდატის, დავით ბაქრაძის განცხადებას გამოეხმაურა, რომლის თანახმადაც, რუსეთი ჰააგის სასამართლოში საქართველოს წინააღმდეგ ზურაბიშვილის წიგნის ფრაგმენტებს იყენებს.

ზურაბიშვილმა ბაქრაძის განცხადებას სიცრუე უწოდა და აღნიშნა, რომ თუ საჭირო გახდება, ამ თემაზე ბრიფინგს გამართავს.

„სადაც საუბრობენ, იქ მტკიცებულებებიც უნდა მოიტანონ. მე ის მიკვირს, რომ მთავრდება ახლა საარჩევნო კამპანია და ერთ-ერთი ოპოზიციური პარტიის საპრეზიდენტო კანდიდატს მეტი სალაპარაკო თემა არ აქვს, თუ არა ჩემზე ლაპარაკი, როგორც ჩანს, მთავარი სალაპარაკო თემა მე ვარ. მე მგონი, ამ არჩევნებში საზოგადოება საპრეზიდენტო კანდიდატებისგან ელოდება იმას, თუ ვინ რას პირდება მომავლისთვის, მე ამას ვეტყვი ამომრჩეველს და ვეუბნები ყველგან. დროა, რომ ყველამ გასცეს პასუხი ამ მთავარ კითხვას. თუ ჩავთვალე საჭიროდ, რომ საჭიროა ჩემი არგუმენტები, ცალკე ბრიფინგს მოვაწყობ ამ საკითხზე“, - განაცხადა სალომე ზურაბიშვილმა.

ავტორი: ,

სოციალური ქსელები

ტრამპი: ერაყში მეტი ჯარისკაცი არ გვჭირდება

ზელენსკი: თუ პუტინი უკრაინაში წარმატებას მიაღწევს, ახალი ქვეყნების დაპყრობას შეეცდება

ტრამპი: რუსეთის წინააღმდეგ სანქციების კანონპროექტს შესაძლოა ირანი და ჰეზბოლა დაემატოს

რუსეთმა განაცხადა, რომ საქართველო სატვირთო მანქანების გავლას ზემო ლარსის საკონტროლო-გამშვებ პუნქტზე ბლოკავს