„გირჩის" პრეზიდენტობის კანდიდატის, ზურაბ ჯაფარიძის, თქმით, ფესტივალის დაწყებამდე რამდენიმე საათით ადრე კრიმინალური პოლიციის თანამშრომლებმა პარტიის თავმჯდომარე იაგო ხვიჩია და ერთ-ერთი ლიდერი ვახო მეგრელიშვილი დააკავეს.

ჯაფარიძის თქმით, ისინი განყოფილებაში არიან გადაყვანილი.

ხვიჩია და მეგრელიშვილი „გირჩის" სხვა ლიდერებთან ერთად, დაკავების მომენტში დედაენის ბაღში იმყოფებოდნენ.

"გვითხრეს, ჩხრეკაზე გადაგვყავს და განყოფილებაში უნდა გავჩხრიკოთო. შევთავაზეთ, რომ აქვე შეეძლოთ ჩხრეკა ჩაეტარებინათ, მაგრამ უარი გვითხრეს. ახლაც აქ მოძრაობს დიდი ჯგუფი. სავარაუდოდ, კიდევ მოვლენ და ასე ცალცალკე წაგვიყვანენ ყველას. სანამ ეს მომხდარა, მინდა, იცოდეთ, რომ ფესტივალი ტარდება ჩვეულებრივად. აქ ადამიანები შეიკრიბებიან 4:20-ზე, როგორც ეს დაგეგმილი იყო, მათ შორის ის ხალხიც, ვინც აქ აპირებს მოვიდეს, რაღაცები გაყიდოს, იყიდოს, იმხიარულოს, გაერთოს. მიზანი არის, რომ ფესტივალი შედგეს ნებისმიერ შემთხვევაში“, - ამბობს ზურაბ ჯაფარიძე.

ხვიჩიას და მეგრელიშვილის დაკავებასთან დაკავშირებით შსს-ში კომენტარს ჯერჯერობით არ აკეთებენ.

ცნობისთვის, „გირჩი“ დღეს დედაენის ბაღში „კანაფის ლეგალიზაციის ფესტივალის“ გამართვას გეგმავს. ფესტივალი 16:20 საათზე უნდა დაიწყოს.

ავტორი: ,

სოციალური ქსელები

ენერგეტიკული კოლაფსი რუსეთში: უკრაინული დარტყმების ფონზე ,,გაზპრომმა” მუშაობა შეწყვიტა

ნაუსედა: ჩვენ გვაქვს სადაზვერვო ინფორმაცია, რომ რუსეთი ლიეტუვის ინფრასტრუქტურაზე თავდასხმებს გეგმავს

დღეს უკრაინის სახელმწიფოებრიობის დღეა - კიევი საერთაშორისო პარტნიორებს მასპინძლობს

ზურა ჯაფარიძეს ავტომობილი დაეჯახა - პოლიტიკოსი კლინიკაშია გადაყვანილი