ფიქრობ, ეს იყო კარგი პროცესი იმიტომ, რომ საბოლოოდ შევთანხმდით ყველა, რომ ცვლილებები, რომელიც ეხება მარიხუანას მოხმარების აკრძალვას საჯარო სივრცეში და მათ შორის, ამკაცრებს სისხლის სამართლის კუთხით პასუხისმგებლობას, საჭიროა, - ამის შესახებ იუსრიდიულ საკითხთა კომიტეტის თავმჯდომარემ ეკა ბესელიამ განაცხადა. 

დეპუტატმა კანონპროექტის დღევანდელი განხილვა დადებითად შეაფასა. 

„დღეს გვქონდა ძალიან ემოციური და საკმაოდ საინტერესო განხილვა. ეს იყო პირველი საჯარო დისკუსია ღია ეთერში. ჩვენ ყველას მივეცით შესაძლებლობა, რომ გამოეთქვა საკუთარი მოსაზრება. ძალიან მინდოდა, რომ ყველა სასულიერო პირს, ვინც კომიტეტის სხდომას ესწრებოდა, ესაუბრა, საკუთარი მოსაზრებები გამოეთქვა და ერთმანეთისთვის არგუმენტების მოსმენის შესაძლებლობა მიგვეცა. ვფიქრობ, ეს იყო კარგი პროცესი იმიტომ, რომ საბოლოოდ შევთანხმდით ყველა, რომ ცვლილებები, რომელიც ეხება მარიხუანას მოხმარების აკრძალვას საჯარო სივრცეში და მათ შორის, ამკაცრებს სისხლის სამართლის კუთხით პასუხისმგებლობას, საჭიროა",-განაცხადა ბესელიამ. 

ეკა ბესელიამ ასევე აღნიშნა, რომ გაგრძელდება მუშაობა მარიხუანას მოხმარების რეგულაციებთან დაკავშირებულ სხვა  საკითხებზეც,  რომელიც ეხება ნორმის განმარტებას განსხვავებული ფორმით.

„ამ იდეას კომიტეტმა  მხარი დაუჭირა და მე მგონი ვიპოვეთ კონსენსუსი სად ვთანხმდებით და ვთანხმდებით იქ, რომ ცუდია ნარკოტიკის მოხმარება, ცუდია მარიხუანას მოხმარება. ეს არის სენი, მას სჭირდება გამკლავება, სჭირდება პრევენცია, სჭირდება ზიანის შემცირება. ამაზე ვთანხმდებით და რა არის კიდევ საჭირო დამატებით, ამასთან დაკავშირებით ვთქვით, რომ უნდა გაგრძელდეს მუშაობა",-განაცხადა ეკა ბესელიამ.

ავტორი: ,

სოციალური ქსელები

ზელენსკი: თუ პუტინი უკრაინაში წარმატებას მიაღწევს, ახალი ქვეყნების დაპყრობას შეეცდება

ტრამპი: რუსეთის წინააღმდეგ სანქციების კანონპროექტს შესაძლოა ირანი და ჰეზბოლა დაემატოს

რუსეთმა განაცხადა, რომ საქართველო სატვირთო მანქანების გავლას ზემო ლარსის საკონტროლო-გამშვებ პუნქტზე ბლოკავს

უკრაინის პარლამენტმა ქვეყნის მთავრობა დაითხოვა