პარლამენტის ბიუროს სხდომაზე 19-21 სექტემბრის პლენარული სხდომების დღის წესრიგი განიხილეს.

კანონმდებლები მიმდინარე კვირაში ასამდე საკითხს განიხილავენ. მათ შორისაა დაჩქარებული წესით განსახილველი კანონპროექტი „განათლების ხარისხის განვითარების შესახებ" საქართველოს კანონში ცვლილების შეტანის თაობაზე", რომელიც პლენარულ სხდომათა დღის წესრიგში ბიუროს წინა სხდომის გადაწყვეტილების შესაბამისად დაემატა. სხვა არსებითი ცვლილებები დღის წესრიგს არ განუცდია.

როგორც ირაკლი კობახიძემ განაცხადა, შეთანხმების თანახმად, პარლამენტი დღეს, 20 სექტემბერს  განიხილავს 2017 წლის 1 დეკემბერს თბილისში, ხორავას ქუჩაზე მომხდარი დანაშაულის შედეგად ორი ახალგაზრდის მკვლელობის ფაქტის შემსწავლელი საქართველოს პარლამენტის დროებითი საგამოძიებო კომისიის ანგარიშს.  21 სექტემბრის პლენარულ სხდომაზე დეპუტატები პარლამენტის რეგლამენტის ახალ პროექტზე იმსჯელებენ.

ბიურომ ასევე განიხილა საორგანიზაციო საკითხები. ირაკლი კობახიძის ინფორმაციით, პარლამენტში შესულია  საქართველოს ეროვნული ბანკის საბჭოს წევრის მურთაზ კიკორიას განცხადება 2018 წლის 30 ნოემბრიდან ეროვნული ბანკის საბჭოს წევრის თანამდებობიდან გადადგომის შესახებ.

ავტორი: ,

სოციალური ქსელები

ნაუსედა: ჩვენ გვაქვს სადაზვერვო ინფორმაცია, რომ რუსეთი ლიეტუვის ინფრასტრუქტურაზე თავდასხმებს გეგმავს

დღეს უკრაინის სახელმწიფოებრიობის დღეა - კიევი საერთაშორისო პარტნიორებს მასპინძლობს

ზურა ჯაფარიძეს ავტომობილი დაეჯახა - პოლიტიკოსი კლინიკაშია გადაყვანილი

ქუთაისში, იოსელიანის ქუჩაზე ხარაჩო ჩამოიშალა და მუშა მოიყოლა, ის გარდაიცვალა