რუსეთში ჩაცხრილული ქართველი ბიზნესმენის, ბადრი შენგელიას მკვლელობის სავარაუდო მიზეზი ცნობილია

2018-09-18 12:56:54, 3331 ნახვა

მსოფლიო

რუსეთში მოკლული ქართველი ბიზნესმენის, ბადრი შენგელიას მკვლელობა შესაძლოა, საგამოძიებო კომიტეტის ყოფილი მაღალჩინოსნის, მიხეილ მაქსიმენკოს საქმესთან დაკავშირებულ სასამართლო პროცესში შენგელიას მონაწილეობას უკავშირდებოდეს, - ამის შესახებ Interfax იუწყება.

მედია საშუალების ინფორმაციით, 2018 წლის აპრილში მიხეილ მაქსიმენკოს 13 წლით თავისუფლების აღკვეთა 550 ათასი დოლარის ოდენობის ქრთამის აღებისთვის მიუსაჯეს. ეს ფული მან კრიმინალური ავტორიტეტის შაქრო მალადოის (ზაქარია კალაშოვი) ბრალის შესუსტებისთვის აიღო. გარდა ამისა, ყოფილ მაღალჩინოსანს ჯარიმის გადახდა, 165 მილიონი რუბლის სახით დაეკისრა.

ბადრი შენგელია მაქსიმენკოს საქმეში ბრალდების მოწმე იყო.

ცნობისთვის, ბიზნესმენის ცხედარი საკუთარ ავტომობილში სანქტ-პეტერბურგთან ახლოს გუშინ აღმოაჩინეს.

Patreon P მხარი დაუჭირე "ექსპრესნიუსს" →

ავტორი: ,

სოციალური ქსელები