აჭარის ა/რ მთავრობისა და ქალაქ ბათუმის მერიის მხარდაჭერით, შპს ,,ბათუმის წყალმა" ბათუმის ახლადშემოერთებულ ტერიტორიებზე წყალმომარაგების მაგისტრალური ქსელის მშენებლობა დაიწყო. მიმდინარე სამუშაოები აჭარის მთავრობის თავმჯდომარემ თორნიკე რიჟვაძემ ქალაქ ბათუმის მერთან ლაშა კომახიძესთან და შპს ,,ბათუმის წყალი"-ს დირექტორთან მარიამ გვიანიძესთან ერთად დაათვალიერა. ღონისძიებას აჭარის უმაღლესი საბჭოს წევრები ესწრებოდნენ.

პროექტი I ეტაპზე ითვალისწინებს წყალმომარაგების ქსელის შექმნას ფრიდონ ხალვაშის გამზირზე, ხახულისა და გოდერძი ჩოხელის ქუჩების მონაკვეთში. პროექტის ღირებულება შეადგენს 1 მილიონ 700 ათას ლარს.

პროექტის II ნაწილი ბათუმის მერიის კეთილმოწყობისა და ინფრასტრუქტურის სამმართველოს მიერ განხორციელდება და მისი ღირებულებაა 2 მილიონ 600 ათასი ლარი. სამუშაოებზე ტენდერი უახლოეს დღეებში გამოცხადდება.

წყალმომარაგების ქსელის საერთო სიგრძე, მაგისტრალური და შიდა დაქსელვის ჩათვლით, 85 კილიმეტრს შეადგენს. პროექტის საერთო ღირებულება 14 მილიონი ლარია.

ყოფილი ხელვაჩაურის ტერიტორიაზე წყალმომარაგების ცენტრალური მაგისტრალური ქსელი აქამდე არ არსებობდა. დღემდე მოსახლეობა წყალმომარაგების მიზნით მიწისქვეშა წყლებს იყენებდა. აღნიშნული სამუშაოების დასრულების შემდეგ, ბათუმის შემოერთებულ ტერიტორიებზე, 8 000-მდე აბონენტს უწყვეტი წყალმომარაგება 24 საათის განმავლობაში ექნება.

(NS)

ავტორი: ,

სოციალური ქსელები

„ბლუმბერგი“: ევროპა არ ელის, რომ ტრამპი რუსეთის წინააღმდეგ ახალ სანქციებს დააწესებს ან უკრაინას დახმარებას გაუწევს

დამასკოში, ტურიზმის სამინისტროსთან ორი აფეთქების შედეგად 18 ადამიანი დაშავდა, მათ შორის ოთხი პოლიციელია

მარიჯანის ქუჩის მაცხოვრებლებს ექსპერტებმა ზეპირსიტყვიერად განუცხადეს, რომ ევაკუაცია არ მოხდება

უკრაინაში SOCAR-ის სადგურზე თავდასხმის გამო აზერბაიჯანმა რუსეთის ელჩი დაიბარა