საქართველოსა და ამერიკის შეერთებულ შტატებს შორის პარტნიორობის საკითხები განიხილეს ფინანსთა მინისტრმა, ივანე მაჭავარიანმა და საქართველოში ამერიკის შეერთებული შტატების ელჩის მოვალეობის შემსრულებელმა, ელიზაბეთ რუდმა.  

ფინანსთა სამინისტროში გამართულ შეხვედრას, ასევე, დაესწრო ამერიკის შეერთებული შტატების საერთაშორისო განვითარების სააგენტოს საქართველოს მისიის ახალი დირექტორი პიტერ ვიბლერი.

საუბარი შეეხო საქართველოს მთავრობის მიერ განხორციელებულ და დაგეგმილ რეფორმებს, ხაზგასმით იქნა აღნიშნული საქართველოსა და აშშ-ს შორის ეკონომიკისა და ვაჭრობის სფეროებში ურთიერთობების განმტკიცების მნიშვნელობა.

მხარეებმა, ასევე, ისაუბრეს იმ მხარდაჭერაზე, რომელსაც ჩვენი პარტნიორი ქვეყანა უწევს ფინანსთა სამინისტროს ფისკალური სამსახურების შესაძლებლობების გაძლიერების მიმართულებით.

მხარეებმა გამოთქვეს იმედი, რომ მომავალში ორ ქვეყანას შორის კვლავ გაგრძელდება აქტიური თანამშრომლობა.

(NS)

ავტორი: ,

სოციალური ქსელები

საქართველოს ბანკის მხარდაჭერით ქუთაისის ტექნოლოგიურ ჰაბში TUMO Kutaisi ცენტრი გაიხსნა

ფაშინიანი: სომხეთმა რუსეთს, შესაძლოა, რკინიგზის იჯარის სახით 2 მილიარდი მოსთხოვოს

ტუსკი რუსულ რაკეტაზე: არ არსებობს საფუძველი ვიფიქროთ, რომ პოლონეთი იყო სამიზნე

აშშ-ის საელჩოს საქართველოში ახალი მოვალეობის შემსრულებელი ჰყავს