მსოფლიოში ოფიციალურად სულ 14529 ერთეული ატომური ბომბია და ამ შეიარაღებას 9 ქვეყანა ინაწილებს.

ბევრი მეცნიერი მიიჩნევს, რომ კაცობრიობა საკუთარ თავს იქამდე გაანადგურებს, სანამ  უცხოპლანეტელებს, ან თუნდაც სხვა სიცოცხლესთვის შესაფერის პლანეტას აღმოაჩენს და ეს თეორია სულ უფრო და უფრო რეალისტურ ხასიათს იძენს. 

პირველ და ყველაზე რეალურ საფრთხეს სწორედ ატომური იარაღი წარმოადგენს. სწორედ, ამიტომ მისი (იარაღის) წარმოება და შენახვა მკაცრი კონტროლის საგანია. დღეს ჩვენ შეგვიძლია ვნახოთ და დავითვალოთ ვის რამდენი ატომური იარაღის ერთეული გააჩნია.

ცივი ომის შემდეგ, ატომური იარაღის წარმოება და ზოგადი რაოდენობა მკვეთრად შემცირდა. ამერიკელი მეცნიერების ფედერაციის დასკვნის მიხედვით, 80-იანების ბოლოს დედამიწაზე 70 ათასი ატომური ბომბი არსებობდა. დღეს მათი დაახლოებითი რაოდენობა 14525 შედგენს და ამ არსენალს ერთმანეთში 9 ქვეყანა ინაწილებს. ატომური იარაღის ყველაზე "მდიდარი" მფლობელები აშშ და რუსეთი გახლავთ, ყოველ მათგანს 6000 ერთეულზე მეტი ატომური ბომბი გააჩნია, მაგრამ ეს მხოლოდ ოფიციალური რიცხვებია. ხუთეულში ასევე არიან: საფრანგეთი-(300ერთეული), ჩინეთი-(280ერთეული) და გაერთიანებული სამეფო-(215) ერთეული. არსებული მონაცემებით, ატომურ არსენალს ისეთი ქვეყნებიც ფლობენ, როგორებიც არიან ინდოეთი-(140) და პაკისტანი-(150). ისრაელი თავის მხრივ 80 ატომურ ბომბს ფლობს. ჩრდილოეთ კორეის შესახებ მონაცემები ზუსტი არ არის, გაურკვეველია რამდენი ბომბი საბრძოლო მდგომარეობაში იმყოფება, ყველაზე უარეს სცენარში ქვეყანა 60 ერთეულს ფლობს.

მსოფლიოს სრული ატომური განიარაღების ინიციატივით გაერო და რამდენიმე ნობელის პრემიის მფლობელი გამოდის. ამის მიუხედავად ატომური იარაღის მფლობელი ქვეყნები მას ერთგვარ "შეჩერების მექანიზმად" და ურთიერთგანადგურების საფრთხის ფსიქოლოგიურ ბარიერად თვლიან. ამ ფორმულის მიხედვით, ნებისმიერ ატომურ ქვეყანაზე სხვა ატომური ქვეყნის მხრიდან თავდასხმა თვითმკვლელობის ტოლფასი იქნება. ამის დამტკიცებას ატომური იარაღის მხარდამჭერი პოლიტიკოსი მარგარეტ ტეტჩერი ცდილობდა:"ატომური იარაღის გარეშე მსოფლიო ბევრად უფრო არასტაბილური და ყოველი ჩვენთაგანისთვის საშიში იქნებოდა", - თქვა მან ერთხელ.

ავტორი: ,

სოციალური ქსელები

კიევში რუსეთის მასშტაბური საჰაერო დარტყმის შედეგად მრავალსართულიანი შენობები ჩამოინგრა, ათი ადამიანი დაიღუპა და 50-ზე მეტი დაშავდა

რუსეთი საწვავის შოკის წინაშე დგას: ბენზინის ფასები ერთ წელიწადში 20%-ით გაიზარდა

„საშინელი და უპრეცედენტო რეკორდი“ - რუსეთის არმიის დანაკარგებმა უკრაინაში 1.4 მილიონს მიაღწია

პროკურატურამ არასრულწლოვანი შვილების მიმართ ჩადენილი ტრეფიკინგის ფაქტზე 3 პირს ბრალდება წარუდგინა