საქართველოს პარლამენტის გარემოს დაცვისა და ბუნებრივი რესურსების კომიტეტის სხდომაზე, გარემოსა და ბუნებრივი რესურსების დაცვის მინისტრი გიგილა აგულაშვილი მოხსნებით გამოვიდა. 

გარემოს დაცვის სამინისტროს ინფორმაციით, მინისტრმა დეპუტატებს გარემოსდაცვითი პოლიტიკის სტრატეგია და სამოქმედო გეგმა გააცნო. გარემოს დაცვის კომიტეტში მიმდინარე პროექტებზეც ისაუბრეს, რომლითაც სამინისტრო ევროკავშირთან ასოცირების ხელშეკრულებით გათვალისწინებულ ვალდებულებებს ასრულებს.

კომიტეტის სხდომაზე კანონმდებლებმა მინისტრს შეკითხვები ეკოლოგიურ პრობლემებსა და გარემოს დაცვის საკითხებზე დაუსვეს. დღესვე, სხდომაზე დეპუტატ გია ჟორჟოლიანის საკანონმდებლო ინიციატივები განიხილეს, რომელიც დაცული ტერიტორიების სტატუსის, ფშავ-ხევსურეთის დაცული ტერიტორიების შექმნის და თბილისის ეროვნული პარკის შესახებ კანონებში ცვლილების შეტანას ითვალისიწნებს.
 
კომიტეტის წევრებს მინისტრმა   გარემოს ეროვნული სააგენტოს ახალი ხელმძღვანელი თამარ ბაგრატია წარუდგინა,  რომელმაც დეპუტატებს სააგენტოს მიმდინარე პროექტები  და სამომავლო პერსპექტივები გააცნო.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

საქართველოში რუსულენოვანთა რაოდენობა თითქმის 19%-ით გაიზარდა

ეუთოს საპარლამენტო ასამბლეის კომიტეტმა მხარი დაუჭირა საქართველოში არსებული ვითარების შესახებ რეზოლუციის პროექტს

თიბისი კაპიტალის ექსკლუზიური მხარდაჭერით, თეგეტა მოტორსმა ადგილობრივ ბაზარზე პირველი 6-თვიანი ობლიგაციები განათავსა

„თეგეტა მოტორსმა“ Bridgestone-ის საერთაშორისო ღონისძიებას უმასპინძლა, რომელზეც საბურავების ორი ახალი მოდელი წარადგინეს