ქალაქ თბილისის პროკურორის მოადგილემ, კონსტანტინე სირაძემ, ხორავას ქუჩის საქმის შემსწავლელი პარლამენტის დროებითი საგამოძიებო კომისიის სხდომაზე, ერთ-ერთი მოკლული მოზარდის მამასთან, ზაზა სარალიძესთან შეხვედრის შესახებ ისაუბრა.

 „როდესაც მე დავინიშნე თანამდებობაზე გამოვთქვი სურვილი რომ შეხვედროდი ბატონ ზაზას და ეს შეხვედრა შედგა, მას ახლდა ადვოკატი და შეხვედრას ასევე ესწრებოდა ბატონი ზვიადი. მე მას ვუთხარი, რომ დღევანდელი მოცემულობით გვყავს ორი მსჯავრდებული, თუმცა ეს არ ნიშნავს იმას, რომ გამოძიება დასრულდა. მან ახსენა საუბრისა დროს, რომ ამ დანაშაულში მონაწილეობდა მ.კ მე ვუთხარი, რომ ნებისმიერი პირი, ვინც მონაწილეობდა იმ ინციდენტში წარმოადგენდა ჩემი ინტერესის სფეროს, მე მას ვუთხარი, რომ ნებისმიერი პირის მიმართ თუ გამოიკვეთება დანაშაული, მე მზად ვარ დავიწყო სისხლისსამართლის დევნა. ასევე ავუხსენი, რომ მხოლოდ ის გარემოება, რომ მ. კ. გფიზიკურ შემხებლობაში იყო თქვენ შვილთან, ვერ გახდებოდა დევნის დაწყების საფუძველი, თუმცა თუ იქნებოდა სხვა დეტალი, აუცილებლად მოყვებოდა ჩვენი მხრიდან რეაგირება. მე მას ვკიტხე, თუ ჰქონდა რაიმე კონკრეტული დეტალი, ეთქვა ჩემთვის, რომ დაგვეწყო მუშაობა. მან მითხრა, რომ ბავშვები თქვენთან არ ამბობენ არაფერს, მაგრამ ჩემთან იძახიან. მე ისევ ვუთხარი, რომ თუ იქნებოდა რაიმე სახის მტკიცებულება, რაც ჩემთვის უცნობი იყო, აუცილებლად ეთქვა ჩემთვის. იმ შეხვედრაზე არ გაჟღერებულა არც ფარდულის, არც დანის თემა. ეს შეხვედრა შედგა მარტის დასაწყისში. ერთადერთი მისი პოზიცია იყო ის, რომ მე ვიცი რომ დამნაშავე არის მ.კ. და ახსენა მეორე პირიც. მას ზვიად ფხაკაძემ უთხრა, რომ თუ გულისხმობთ გ.მ. - ს, ამ ეტპზე არ არსებობს მის მიმართ მტკიცებულება, მაგრამ თუ გაქვთ რაიმე ხელჩასაჭიდი, აუცილებლად უნდა გადმოგვცეთ თქო. ეს იყო ბოლო შეხვედრა", - განაცხადა სირაძემ.

ავტორი: ,

სოციალური ქსელები

მერიამ ე.წ. დეზერტირების ბაზრის მიმდებარედ გარემოვაჭრეების დახლები აიღო

სასამართლომ „ფორმულა“ გოგა ხაინდრავასთვის „მორალური ზიანის მიყენების გამო“ 10 000 ლარით დააჯარიმა

იავნანა ქართულის 1-ელი გაკვეთილი, BOG-ის ინიციატივა საზღვარგარეთ მცხოვრები ბავშვებისთვის

რუსეთის უშიშროება: უკრაინის უსაფრთხოების სამსახური მოსკოვის ოლქში სტრატეგიულ ობიექტზე დრონებით მასშტაბურ თავდასხმას გეგმავდა