გერმანიაში 51 წლის საქართველოს მოქალაქე დააკავეს, რომელსაც სხვადასხვა სახელზე გაცემული 45 პასპორტი აღმოუჩინეს, - ამის შესახებ Sz-online.de იუწყება.

მედია საშუალების ინფორმაციით, მამაკაცს ქალაქ ესენის უცხოელების სამძებრო სამსახური ეძებდა, ხოლო მისი დაკავება ქალაქ ბად-შანდაუს მახლობლად მოხდა.

მედიის ცნობით, საბუთების შემოწმების დროს, დრეზდენის პოლიციამ საქართველოს მოქალაქე დააკავა და მეორე პასპორტიც აღმოუჩინა. დეტალური ჩხრეკის ჩატარების შემდეგ, სამართალდამცველებმა კიდევ 43 პასპორტი ამოიღეს.

პოლიციამ დაადგინა, რომ 1997-2018 წლებში მამაკაცი ძარცვისა და ყაჩაღობის 12 სხვადასხვა შემთხვევაში ფიგურირებდა. ის გერმანიიდან 4-ჯერ არის გაძევებული. მან გერმანიას თავშესაფრის მინიჭებაზე მიმდინარე წელს მიმართა, თუმცა ქვეყანამ მას აღნიშნულ მოთხოვნაზე უარი უთხრა. გარდა ამისა, საქართველოს მოქალაქეს გერმანიაში შესვლა 5 წლით აუკრძალეს, თუმცა მან ქვეყანაში დაბრუნება სხვა სახელზე გაცემული პასპორტით შეძლო. სასამართლოში საქმის განხილვის დროს მამაკაცმა საჯარო მოსამსახურეების გინება დაიწყო, რის გამოც მას წინასწარი პატიმრობა შეეფარდა.

მედიის ცნობით, შემთხვევა 3 ივლისს მოხდა. 

ავტორი: ,

სოციალური ქსელები

ჩერგოლეიშვილი – ღნავიან, სასამართლოს დაწვის ამოცანით შენობაში შეჭრილ ელისაშვილს ამდენი წელი რატომ მიუსაჯესო, ამ უპასუხისმგებლო არსების ჰეროიზაციას ახდენენ

წინასწარ შემიძლია ვთქვა, რომ ზარალი იქნება დიდი – კახეთის რწმუნებული ადიდებულ მდინარეზე

თელავში უხვი ნალექის შედეგად დაიტბორა საცხოვრებელი სახლებისა და შენობების პირველი სართულები

ზელენსკი: ვიშნევეში იარაღის საწყობების განთავსებისთვის პასუხისმგებელი პირები დაისჯებიან