2018-06-22 11:59:39, 946 ნახვა

---

სარალიძე - როდესაც ბავშვი მიწას მივაბარე, მის მეგობრებთან გასაუბრება ვცადე, თუმცა მშობლებმა საუბარი არც ერთს არ აცადეს

"როდესაც ბავშვი მიწას მივაბარეთ, შემდეგ დავუძახე მის მეგობრებს სასაუბროდ, თუმცა მშობლებმა მათ ლაპარაკის საშუალება არ მისცეს", - ამის შესახებ ხორავას ქუჩაზე მოკლული მოზარდის მამამ, ზაზა სარალიძემ განაცხადა.

როგორც სარალიძემ აღნიშნა, მას აგრეთვე აქვს აუდიო ჩანაწერილი, რომელშიც მისი შვილის მეგობრები ინციდენტის დეტალებს იხსენებენ, თუმცა სარალიძის თქმით, მათ ეს დეტალები სასამართლო სხდომაზე არ უხსენებიათ.

"როდესაც ჩემი შვილი საავადმყოფოში იწვა, იქ თითქმის მთელი 51-ე სკოლა იყო და არა მარტო სკოლა. ძალიან ბევრი ადამიანი იმყოფებოდა იქ და ისინი ერთმანეთში საუბრობდნენ, თუ ვინ დაარტყა დანა ჩემ შვილს. ძირითადად სახელდებოდა მღვდლის შვილი და მიხეილ კალანდია. როდესაც ბავშვი მიწას მივაბარეთ და ყველაფერი ჩატარდა ისე როგორც საჭირო იყო, რაღაც პერიოდის შემდეგ დავუძახე ყველას, ბავშვებს. ისინი მშობლებთან, კერძოდ კი, მამებთან ერთად მოვიდნენ. მაინტერესებდა რას იტყოდნენ. სამწუხაროდ არც ერთ ბავშვს არ აცადა საუბარი არც ერთმა მშობელმა. შემდეგ მქონდა საუბარი კიდევ დ.ღ-სთან და დ.ნ.-სთან. ესენი ჩემი შვილის მეგოობრები არიან. მათთან საუბარი მქონდა ჩაწერილი, ზვიად კუპრავაც ესწრებოდა ამ საუბარს, თუმცა რაც ამ ჩანაწერში ისაუბრეს აბსოლუტურად ყველაფერი უარყეს სასამართლო პროცესზე", - განაცხადა ზაზა სარალიძემ.

---

ავტორი: ,

---

დღის თემა

მთავარი თემა

ინტერვიუ - ექსკლუზივი