აჭარის ჯანდაცვის მინისტრმა მედიცინის მეცნიერებათა დოქტორს, პროფესორ ჯემალ ქიქავას 80 წლის იუბილე მიულოცა

2018-06-08 11:34:54, 568 ნახვა

რეგიონი

მედიცინის მეცნიერებათა დოქტორს, პროფესორ - ჯემალ ქიქავას დაბადებიდან 80 წელი შეუსრულდა.

ღვაწლმოსილ ექიმს საიუბილეო თარიღი აჭარის ა/რ ჯანმრთელობისა და სოციალური დაცვის მინისტრმა ზაალ მიქელაძემ მიულოცა და რეგიონის მოსახლეობის ჯანმრთელობის დაცვის სფეროში შეტანილი წვლილისათვის მადლობა გადაუხადა.

ჯემალ ქიქავა არის "ჯანმრთელობის ცენტრ მედინას" – ლითოტრიფსიის განყოფილების გამგე. ის ასევე საქმიანობდა ქ. ბათუმის #1 საავადმყოფოში - ექიმ უროლოგად, იყო ქ. ქობულეთის რაიონის მთავარი ექიმი უროლოგი და ქ. ბათუმის მეზღვაურთა საავადმყოფოს ენდოუროლოგიის და ლითოტრიფსიის განყოფილების გამგე. სამედიცინო განათლება მიიღო ქ. ლენინგრადის #1 სახელმწიფო სამედიცინო ინსტიტუტში. ღვაწლმოსილი ექიმი არის უროლოგთა ევროპული ასოციაციის წევრი.

(NS)

Patreon P მხარი დაუჭირე "ექსპრესნიუსს" →

ავტორი: ,

სოციალური ქსელები