„ჩემთვის ჩემი შვილის ტერორიზმში დადანაშაულება უფრო მეტია, ვიდრე მისი სიკვდილი“, - ამის შესახებ პანკისის სპეცოპერაციის შედეგად მოკლული თემირლან მაჩალიკაშვილის მამამ, მალხაზ მაჩალიკაშვილმა პარლამენტთან მიმდინარე აქციაზე სიტყვით გამოსვლისას განაცხადა.

როგორც მან აღნიშნა, ისევე როგორც ზაზა სარალიძე, ისიც სამართლიანობის აღდგენას ითხოვს.

"მას შემდეგ, რაც ზაზა სარალიძემ ეს აქცია დააანონსა მის გვერდით ვარ და არ მოვშორდები, სანამ სიმართლეს არ დაამტკიცებს. რასაც სარალიძე მოითხოვს იმას მოვითხოვ მეც. ორი ოდე სიტყვით მინდა ჩემზე ვთქვა. მე გუშინაც განვაცხადე და დღესაც განვაცხადებ, მე ორჯერ მომიკლეს შვილი, ეს ქვეყანა ასეთია, ვიღაცები კვდებიან, ვიღაცები მოდიან. მე ჩემი შვილის სიკვდილის არ მეშინოდა არასდროს, იმიტომ რომ ხალხი იხოცება და მუდმივი არავინ არ არის, მაგრამ ჩემი შვილის ასეთი სისასტიკით მოკვლა, თავის საწოლში, მძინარე ბავშვი დახვრიტეს პირდაპირ და ისიც არ იკმარეს და სუს-ში მყოფებმა და ტერორიზმში დაადანაშაულეს. ეს უფრო მეტია ჩემთვის, ვიდრე მისი სიკვდილი. ეს არ იყო არც ტერორიზმში დამნაშავე და არც ეჭვმიტანილი. ეს სუს-ს ჭირდებოდა ასეთი თამაშის გათამაშება და გაითამაშეს. ორმაგი თამაში ითამაშეს, ერთი ტყვიით ორი კურდღელი მოკლეს მაგრამ ძალიან ცუდად გაატყავეს და ეს არ შერჩებათ. უნდა დაინგრეს სისტემა და მოიხადონ სასჯელი ამ მკვლელობისათვის. მადლობა ყველას, ჩვენ უნდა ვიდგეთ ერთად, სანამ ზაზა და მე მის გვერდში მდგომი, სიმართლეს არ ვათქმევინებთ ამ სისტემას", - განაცხადა მალხაზ მაჩალიკაშვილმა.

ცნობისთვის, პარლამენტთან აქცია #ნუმომკლავ გრძელდება.

ავტორი: ,

სოციალური ქსელები

დემოკრატი სენატორი რუსეთის წინააღმდეგ სანქციების დაწესებას მოუწოდებს „ლინდსი გრეჰემის ხსოვნისადმი“

ირანი აცხადებს, რომ ქუვეითში ამერიკული HIMARS-ის რაკეტმზიდები გაანადგურა

გარემოს ეროვნული სააგენტო -თელავში მოსულმა უხვმა ატმოსფერულმა ნალექმა მდინარე თელავისხევის აუზში ღვარცოფული პროცესების მკვეთრი გააქტიურება გამოიწვია

ზელენსკი უკრაინის პრემიერ-მინისტრს და ძალოვან მინისტრებს ცვლის