საგარეო საქმეთა მინისტრის მიხეილ ჯანელიძის განცხადებით, საქართველო ერთგული დარჩა ევროპული კურსის, რომელიც 100 წლის წინ საქართველოს პირველმა დემოკრატიულმა რესპუბლიკამ აირჩია.

როგორც ჯანელიძემმ აღნიშნა, შექმნილი რესპუბლიკა იმ დროისთვის საუკეთესო სტანდარტებს ეფუძნებოდა.

"მთელს საქართველოს ვულოცავ დღევანდელ დღეს, 100 წლის წინ 26 მაისს, ჩვენ აღვადგინეთ დამოუკიდებლობა, ჩვენ ჩამოვაყალიბეთ პირველი დემოკრატიული რესპუბლიკა, ეს იყო რესპუბლიკა, რომელიც ეფუძნებოდა იმ დროისთვის საუკეთესო სტანდარტებს, ევროპულ ღირებულებებს, ეს იყო ევროპული არჩევანი და ეს რესპუბლიკა შეიქმნა დემოკრატიის პრინციპებზე დაფუძნებით. ის კონსტიტუცია, რომელიც დაიწერა იყო საუკეთესო იმ პერიოდში და იგი დღესაც არის ერთ-ერთი სამაგალითო. ჩვენ ძალიან დიდი ისტორია გვაქვს ჩვენი ევროპული ინტეგრაციის და ევროპული მისწრაფებების კუთხით. პირველი რესპუბიკა და მისი საგარეო პოლიტიკა ეფუძნებოდა ჩვენს დასავლურ კურსს, იდგმებოდა პირველი ნაბიჯები და ხდებოდა ჩვენი ქვეყნის აღიარება როგორც ევროპის ნაწილის. სამწუხაროდ ეს დიდხანს არ გაგრძელდა, მაგრამ 1991 წლის შემდეგ ჩვენ მტკიცედ დავადექით ამ გზას და დღეს ჩვენ ვართ ძალიან ახლოს ევროკავშირთან, ვართ ძალიან ახლოს ჩრდილო-ატლანტიკურ ალიანსთან, ჩვენ ვართ ევროატლანტიკური სივრცის ძალიან მნიშვნელოვანი პატნიორი და ეს აღიარებულია ყველა ჩვენი მეგობრის და ჩრდილო-ატლანტიკური ალიანსის წევრის მიერ" - აღნიშნა მიხეილ ჯანელიძემ. 

მინისტრის თქმით, საქართველოს არასდროს არ ყოფილა ისე ახლოს ევროკავშირთან და ნატო-სთან როგორც დღეს. მინისტრის თქმით სწორეს ეს არის საქართველოს უკეთესი მომავალი, საქართველოს მოქალაქეებისთვის მეტი კეთილდღეობა და ახალი თაობებისთვის ნათელი მომავალი.

ავტორი: ,

სოციალური ქსელები

დემოკრატი სენატორი რუსეთის წინააღმდეგ სანქციების დაწესებას მოუწოდებს „ლინდსი გრეჰემის ხსოვნისადმი“

ირანი აცხადებს, რომ ქუვეითში ამერიკული HIMARS-ის რაკეტმზიდები გაანადგურა

გარემოს ეროვნული სააგენტო -თელავში მოსულმა უხვმა ატმოსფერულმა ნალექმა მდინარე თელავისხევის აუზში ღვარცოფული პროცესების მკვეთრი გააქტიურება გამოიწვია

ზელენსკი უკრაინის პრემიერ-მინისტრს და ძალოვან მინისტრებს ცვლის