იაპონური კომპანია Nippon Export and Investment Insurance-ის (NEXI) საქართველოში საქმიანობის დაწყების შესაძლებლობები განიხილეს ეკონომიკისა და მდგრადი განვითარების მინისტრის მოადგილის გიორგი ჩერქეზიშვილისა და  NEXI-ის თავმჯდომარის, კაზუჰიკო ბანდოს შორის გამართულ შეხვედრაზე, რომელსაც   კომპანიის წარმომადგენლებთან ერთად იაპონიის საგანგებო და სრულუფლებიანი ელჩი საქართველოში, ტადაჰარუ უეჰარა ესწრებოდა.

NEXI იაპონიის სახელმწიფოს მფლობელობაში არსებული კომპანიაა, რომელიც იაპონურ კომპანიებსა და ბანკებს სთავაზობს სხვადასხვა პოლიტიკური და კომერციული რისკებისგან სავაჭრო/საინვესტიციო დაზღვევას, რათა ხელი შეუწყოს მათ საერთაშორისო საქმიანობაში.

შეხვედრის საუბრის თემა NEXI-ს საქმიანობის საქართველოში წამოწყების პერსპექტივა და შესაძლებლობები იყო. გიორგი ჩერქეზიშვილმა ხაზგასმით აღნიშნა შეხვედრის მნიშვნელობა და განაცხადა, რომ NEXI-სთან ახლო ურთიერთობა ხელს შეუწყობს იაპონური ინვესტიციების და კომპანიების შემოდინებას ქართულ ბაზარზე.

სამინისტროს მხრიდან შეხვედრას ასევე ესწრებოდნენ იურიდიული დეპარტამენტის უფროსის მოადგილე ბექა თაბაგარი და ვაჭრობის განვითარებისა და საერთაშორისო ეკონომიკური ურთიერთობების დეპარტამენტის აზია-აფრიკის რეგიონისა და სხვა ქვეყნების სამმართველოს უფროსი ნინო გამხარაშვილი.

(NS)

ავტორი: ,

სოციალური ქსელები

საქართველოს ბანკის მხარდაჭერით, მცირე და საშუალო ბიზნესისთვის მზის ენერგიის სექტორის განვითარებაზე შეხვედრა გაიმართა

კალასი - ჩვენ არ გვსურს საქართველოს მთავრობის მხარდაჭერა, ჩვენ გვინდა, მხარი დავუჭიროთ ქართველ ხალხს

ჰორმუზის სრუტესთან დაკავშირებული მოლაპარაკებების ჩაშლის შემდეგ, აშშ-მ და ირანმა ორმხრივი დაბომბვები განაახლეს

ივნისში საქართველოს ექსპორტი 20%-ით, $771 მილიონ დოლარამდე გაიზარდა, იმპორტის ზრდა კი 7% იყო