,,Wizz air ქუთაისის აეროპორტში მეორე საჰაერო ხომალდს ანთავსებს“- ასეთი სათაურით აქვეყნებს სტატიას წამყვანი ბრიტანული ყოველკვირეული საავიაციო ჟურნალი anna.aero.

სტატიაში საუბარია, 17 მაისს ქუთაისიდან ახალი ბაზირებული რეისების დაწყების შესახებ, რომელიც რომის, პარიზის, ბარსელონას, პრაღისა და ათენის მიმართულებით ხორციელდება.

,,2017 წელს, საქართველო ევროპაში ერთ-ერთი სწრაფად მზარდი საავიაციო ბაზარი გახდა.  გასულ წელს საქართველოს აეროპორტებში მგზავრთნაკადის განსაკუთრებული ზრდა - 43 % დაფიქსირდა. ამიტომაც არ არის გასაკვირი, რომ უნგრულმა დაბალბიუჯეტიანმა ავიაკომპანია Wizz air-მა ქუთაისის საერთაშორისო აეროპორტში მეორე საჰაერო ხომალდი დააყენა. ამ დღესთან დაკავშირებით, ეკონომიკისა და მდგრადი განვითარების სამინისტროს შპს ,,საქართველოს აეროპორტების გაერთიანებამ“ ორიგინალური ტორტი წარმოადგინა - ვიზეარის ორი ბაზირებული თვითმფრინავით და აეროპორტის ტერმინალით, რომელიც საქართველოს პირველმა ვიცე-პრემიერმა, ეკონომიკისა და მდგრადი განვითარების მინისტრმა დიმიტრი ქუმსიშვილმა, ,,საქართველოს აეროპორტების გაერთიანების“ დირექტორმა ქეთევან ალექსიძემ და Wizz air-ის მარკეტინგის დირექტორმა იოჰან ეიდჰაგენმა გაჭრეს“,- ნათქვამია anna.aero-ს მიერ გამოქვეყნებულ სტატიაში.

სტატიაში, ასევე ნათქვამია, რომ ზაფხულიდან Wizz air ავიარეისებს ბუქარესტი ქუთაისის, ხოლო ნოემბრიდან ვენა-ქუთაისის მიმართულებებით შეასრულებს საერთო ჯამში ავიაკომპანია მგზავრებს ქუთაისიდან ევროპის 14  ქვეყნის 20 მიმართულებით მოემსახურება.

(NS)

ავტორი: ,

სოციალური ქსელები

საქართველოს ბანკის მხარდაჭერით, მცირე და საშუალო ბიზნესისთვის მზის ენერგიის სექტორის განვითარებაზე შეხვედრა გაიმართა

კალასი - ჩვენ არ გვსურს საქართველოს მთავრობის მხარდაჭერა, ჩვენ გვინდა, მხარი დავუჭიროთ ქართველ ხალხს

ჰორმუზის სრუტესთან დაკავშირებული მოლაპარაკებების ჩაშლის შემდეგ, აშშ-მ და ირანმა ორმხრივი დაბომბვები განაახლეს

ივნისში საქართველოს ექსპორტი 20%-ით, $771 მილიონ დოლარამდე გაიზარდა, იმპორტის ზრდა კი 7% იყო