ქაშვეთის ეკლესიის მიმდებარე ტერიტორიაზე, უფლებადამცველი გიორგი გაბედავა და კიდევ რამდენიმე პირი სამართალდამცველებს დაუპირისპირდნენ.

მათ 9 აპრილის მემორიალთან მისვლა უნდოდათ, თუმცა, ვინაიდან ადგილზე „თეთრი ხმაურის მოძრაობის“ აქცია მიმდინარეობს, სამართალდამცველებმა, ინციდენტის პრევენციის მიზნით, მათ ამის საშუალება არ მისცეს.

აღნიშნულს მოჰყვა სიტყვიერ დაპირისპირება, რის შემდეგაც სამართალდამცველებმა გიორგი გაბედავა დააკავეს.

გაბედავას დაკავების გამო, მასთან ერთად მყოფმა კონტრაქციის წევრებმა უკმაყოფილება გამოთქვეს: „ეს უსამართლობაა, ჩვენ ვითხოვთ 9 აპრილის მემორიალთან მისვლას და ამის უფლებას არ გვაძლევენ. თუ გაბედავა დააკავეს, ჩვენც უნდა დაგვაკავოთ. მივალთ იმ სამმართველოსთან, სადაც მას გადაიყვანენ“, - აცხადებენ აქციის მონაწილეები.

ამ დროისთვის ისინი ქაშვეთის ეკლესიასთან აღარ იმყოფებიან.

ადგილზე ვითარება დაძაბულია. პარლამენტის წინ აქცია „ჩვენი თავისუფლებისთვის“ მიმდინარეობს, ხოლოდ მიმდებარე ტერიტორიაზე „საქართველოს ეროვნული ერთობა“ კონტრაქციას მართავს. სამართალდამცველებს ცოცხალი კორდონები აქვთ გაკეთებული, რათა საწინააღმდეგო აქციის მონაწილეები ერთმანეთს არ დაუპირისპირდნენ.

ავტორი: ,

სოციალური ქსელები

ტრამპმა ოფიციალურად აცნობა კონგრესს ირანზე აშშ-ის საჰაერო დარტყმების განახლების შესახებ

უკრაინის პრემიერ-მინისტრმა სვირიდენკომ თანამდებობიდან გადადგომის შესახებ განცხადება დაწერა

თბილისის მერია ადასტურებს, რომ ე.წ. რიყის დოქების დემონტაჟის ნებართვა გაიცა

პუტინი ცხინვალის მარიონეტ კამბოლოვს: ველოდები, რომ გაგლოევის „განვითარებულ მოვლენებს“ გამოიყენებთ