ვაკის პარკთან მომხდარი დაპირისპირების დროს დაკავებულები ხელწერილის საფუძველზე გაათავისუფლეს.

როგორც „ექსპრესნიუსს“ შინაგან საქმეთა სამინისტროში განუცხადეს, საქმის მასალები სასამართლოში გადაიგზავნება.

სავარაუდოდ, სამივე პირის პროცესი ხვალ გაიმართება.

შეგახსენებთ, ვაკის პარკთან დაპირისპირების დროს სამოქალაქო მოძრაობის „ძალა ერთობაშია“ მხარდამჭერი ნიკა შაყულაშვილი, „სოციალისტური საქართველოს“ ლიდერი ვალერი კვარაცხელია და მისი შვილი დავით კვარაცხელია დააკავეს.

მომხდართან დაკავშირებით „ექსპრესნიუსთან“ მოძრაობის „ძალა ერთობაშია“ ლიდერმა, დავით ქაცარავამ ისაუბრა:

„ჩვენი აქტივისტები იმყოფბოდნენ ვაკის პარკში, ანტი საოკუპაციო და ანტი რუსული ტრანსპარანტებით, სადაც ეწერა: „რუსი არის ფაშისტი“ და „არა ოკუპაციას“. ამ დროს ჩაიარა კვარაცხელიამ და შეურაცხყოფა მიაყენა ერთ-ერთ ქალბატონს, შეაგინა, რის შემდეგაც მიიღო პასუხი ნიკა შაყუკაშვილისგან, რომელიც იქვე იმყოფებოდა.  შემდეგ კვარაცხელიას მხრიდან მოხდა ნიკას მიმართ ფიზიკური შეურაცხყოფა. ნიკამ კვერცხი ესროლა და ამის შემდეგ, ისინი ფიზიკურად დაუპირისპირდნენ ერთმანეთს“, - აღნიშნა ქაცარავამ.

გამოძიება ადმინისტრაციულ სამართალდაღვევათა კოდექსის 166-ე მუხლით მიმდინარეობს, რაც წვრილმან ხულიგნობას გულისხმობს.

ავტორი: ,

სოციალური ქსელები

პუტინი ცხინვალის მარიონეტ კამბოლოვს: ველოდები, რომ გაგლოევის „განვითარებულ მოვლენებს“ გამოიყენებთ

მასშტაბური კორუფციის გამო მერიამ „რიყის დოქების“ დანგრევა გადაწყვიტა - აბესაძე

რუსეთში, ბენზინის დეფიციტის გამო, საავადმყოფოებისთვის, სახანძრო სამსახურებისთვის და საზოგადოებრივი კომუნალური კომპანიებისთვის საწვავის შესყიდვა შეფერხდა

აშშ-ის სახელმწიფო მდივანი მარკო რუბიო ვენესუელას ფაქტობრივი მმართველი გახდა -The New York Times