პარლამენტის თავმჯდომარის ირაკლი კობახიძის განცხადებით, გიორგი მარგველაშვილი საპრეზიდენტო არჩევნებზე "ქართული ოცნებისთვის" რისკფაქტორს არ წარმოადგენს. 

კობახიძის თქმით, საქართველოს პრეზიდენტის რეიტინგი არ არის მაღალი და ის მმართველი გუნდის კანდიდატს კონკურენციას ვერ გაუწევს. 

„გიორგი მარგველაშვილი იმ შემთხვევაში იქნებოდა ჩვენთვის რისკფაქტორი ამ არჩევნებში, თუ მას ექნებოდა ამ არჩევნებში მეორე ადგილზე გასვლის შესაძლებლობა. თუმცა, არსებული სურათი არის ისეთი, რომ მეორე ადგილზე გასვლის ალბათობა არის ძალიან დაბალი. საკმაოდ რთულია მეორე ადგილის გამოცნობა, იქნება სერიოზული კონკურენცია. ვთქვი ის, რაც უკვე ვიცით, მეორე ადგილზე გასვლის შესაძლებლობა გიორგი მარგველაშვილს აქვს მიზერული. იქნება საერიოზული კონკურენცია და ხალხი გადაწყვეტს", - განცხადა პარლამენტის თავმჯდომარემ გადაცემა "არჩევანში". 

კითხვაზე - ვინ გავა მეორე ადგილზე, კობახიძი მიიჩნევს, რომ ძირითადი კონკურენცია "ნაციონალური მოძრაობის" და "ევროპული საქართველოს" კანდიდატებს შორის იქნება. მანვე დასძინა, რომ პირველი ადგილის ბედი გადაწყვეტილია და მას მმართველი გუნდის კანდიდატი დაიკავებს. 

ავტორი: ,

სოციალური ქსელები

საქართველოს რეგიონული განვითარების სამინისტრო სექტემბერში გაუქმდება

შეიქმნება რეგიონული პოლიტიკის საკითხებში სახელმწიფო მინისტრის თანამდებობა, რომელსაც მამუკა მდინარაძე დაიკავებს

იან კელი და დევიდ კრამერი: აშშ-მა და ევროკავშირმა „ქართულ ოცნებაზე“ ზეწოლა უნდა გააძლიერონ

PHR: სააპელაციომ დააკმაყოფილა ბექა შონიასთვის სამედიცინო მომსახურების შინ მიღების მოთხოვნა