თბილისის საქალაქო სასამართლომ საქმეზე თბილისის მერია „აიისას" წინააღმდეგ გადაწყვეტილება გამოაცხადა.

სასამართლომ მიიჩნია, რომ „აიისას“ მიერ, პრეზერვატივებზე თამარ მეფის გამოსახულების და ორ თითზე წამოცმული პრეზერვატივის აღბეჭდვა მართლმადიდებელი ეკლესიის მრევლის რელიგიურ გრძნობებს ლახავს.

კომპანია 500 ლარით დაჯარიმდა და პროდუქციის ამოსაღებად ერთკვირიანი ვადა მიეცა.

როგორც სასამართლოს დასრულების შემდეგ კომპანიის მფლობელმა ანანია გაჩეჩილაძემ განაცხადა, გადაწყვეტილებას ზემდგომ ინსტანციაში გაასაჩივრებს.

„გამომდინარე ამ აბსურდული საქმის დეტალებისა, მე მქონდა დადებითი განაჩენის იმედი, თუმცა დღევანდელმა განაჩენმა ცხადყო, რომ ეს არის თანამედროვე ცენზურის ძალიან თვალსაჩინო მაგალითი. შესაბამისად, ჩვენ ამ გადაწყვეტილებას გავასაჩივრებთ. ნებისმიერ შემთხვევაში ამ საქმეს მივიყვანთ გამარჯვებამდე და აუცილებლად, საკონსტიტუციო დონეზეც და გამოხატვის თავისუფლების ნებისმიერი მიმართულებით, ჩვენ მივაღწევთ იმ შედეგს, რომ მსგავსი სუბიექტური ხედვებიდან გამომდინარე არასდროს იყოს შეზღუდული ჩემი სხვა სუბიექტების ან კომპანიების უფლებები“, - განაცხადა ანანია გაჩეჩილაძემ.

ცნობისთვის, სასამართლოს ადმინისტრაციულ სამართალდარღვევათა ოქმი თბილისის მერიამ, მოქალაქეთა გაერთიანება „ქართული იდეის“ მოთხოვნის საფუძველზე გაუგზავნა. მერიამ მიიჩნია, რომ „აიისას“ შეფუთვაზე დატანილი ვიზუალიზაცია არაეთიკურია, რადგან ლახავს საზოგადოებრივ მორალს, კონკრეტული საზოგადოებრივი ჯგუფის რელიგიურ გრძნობებსა და ეროვნულ ღირსებას. მერიამ პრეზერვატივის მწარმოებლის დაჯარიმება (500 ლარის ოდენობით) და მისთვის მსგავსი შეფუთვისა და რეკლამის სამომავლო გამოყენების აკრძალვა მოითხოვა.

ავტორი: ,

სოციალური ქსელები

საქართველოს ბანკის ივლისის PLUS შეთავაზებები - დააგროვეთ მეტი PLUS ქულა ყოველდღიურ გადახდებზე

პაპუაშვილი ელისაშვილის წინააღმდეგ: ტერორისტებიც ამბობენ, რომ უსამართლობას ებრძვიან

“მცირე ბიზნესის ჯაჭვი” - საქართველოს ბანკი ახალი ინიციატივით ბიზნესებს შორის თანამშრომლობას აძლიერებს

თიბისის ბიზნესგანათლების პროგრამაში, ივნისის თვეში, 600 მეწარმე ჩაერთო