„ქართველი კაცი ბედნიერი ვერ იქნება, ვიდრე ტერიტორიული მთლიანობა არ აღდგება“,-ამის შესახებ საქართველოს პრემიერ-მინისტრმა ირაკლი ღარიბაშვილმა „აფხაზეთობის“ დღესთან დაკავშირებით ჟურნალისტებს განუცხადა.

ღარიბაშვილის თქმით, მისი სურვილია  ყველამ ერთად იზეიმოს  „აფხაზეთობა“ სამხრეთ ოსეთსა და აფხაზეთში.

„მინდა მათ ვუთხრა, რომ ჩვენ ძალიან გვიყვარს ჩვენი აფხაზი ძმები და დები. ჩვენ მათზე ვზრუნავთ და გვინდა მათთან ერთად ვიცხოვროთ მშვიდად და გვქონდეს ურთიერთპატივისცემა და სიყვარული. ჩვენი პოლიტიკა მიმართულია სწორედ ამ ურთიერთობების განმტკიცებისკენ, ნდობის აღდგენისკენ და მიგვაჩნია, რომ ეს გზა აუცილებლად გამარჯვებამდე მიგვიყვანს", -განაცხადა ირაკლი ღარიბაშვილმა.

ამასთან, პრემიერმა დასძინა, რომ ნებისმიერი ქართველისთვის მოუშუშებელი იარაა ოკუპირებული ტერიტორიები.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მთავრობამ კვების ობიექტებისთვის პლასტმასის ერთჯერადი კონტეინერებისა და ჭიქებით სურსათის მიწოდების აკრძალვის ამოქმედება გადაავადა

ანაკლიის პორტს სახელმწიფო ააშენებს - მთავრობამ პროექტის მოდელი შეცვალა

Politico: ნატოს ქვეყნები რუსეთთან ომის შემთხვევაში თავდაცვას აძლიერებენ

ირანი საზოგადოებრივი აზრის გასაკონტროლებლად ხამენეის დაკრძალვის გაშუქების ერთიან წესებს აწესებს