ცენტრალური საარჩევნო კომისიის წევრის კახაბერ მჟავანაძის ინფორმაციით, ვანსა და ხონში მიმდინარე საპარლამენტო შუალედურ არჩევნებზე ამომრჩევლების აქტივობა 10%-ს შეადგენს.

როგორც საარჩევნო კომისიის წევრმა აღნიშნა, ყველა უბანი ექსცესების გარეშე გაიხსნა. მისივე თქმით, ამ ეტაპზე არც ერთი საჩივარი არ დაწერილა.

"8 საათზე გაიხსნა 31-ვე უბანი ექსცესების გარეშე. საარჩევნო პროცესი მშვიდ და წყნარ გარემოში მიმდინარეობს. ამ წუთისთვის 2 450 ამომრჩეველია მოსული უბანზე, რაც 9-10%-ს შეადგენს აქტივობის. შეიძლება ითქვას, რომ ეს აქტივობა მაღალია. აღსანიშნავია, რომ არც ერთი საჩივარი უბანზე არ დაწერილა", - განაცხადა მჟავანაძემ.

ცნობისთვის, №54-ე მაჟორიტარულ საარჩევნო ოლქში (ვანისა და ხონის მუნიციპალიტეტების სამოქმედო ტერიტორია) საქართველოს პარლამენტის შუალედური არჩევნები იმართება. საქართველოს პარლამენტის შუალედურ არჩევნებში 6 კანდიდატი მონაწილეობს. მათგან 5 წარდგენილია პოლიტიკური გაერთიანების, ხოლო ერთი - საინიციატივო ჯგუფის მიერ.

ავტორი: ,

სოციალური ქსელები

უკრაინის შეიარაღებულმა ძალებმა შეტევითი ოპერაციებისთვის სახმელეთო რობოტების გამოყენება დაიწყეს

უკრაინამ სიზრანის ნავთობგადამამუშავებელ ქარხანას, ოთხ ბორანსა და 10 ტანკერს დაარტყა

კატარის ყოფილი ემირი შეიხ ჰამად ბინ ხალიფა ალ ტანი გარდაიცვალა

პოლიციამ ჯგუფურად ჩადენილი ძარცვისა და ქურდობის ბრალდებით ხუთი არასრულწლოვანი დააკავა