აშშ-ის სენატმა NASA-ს ხელმძღვანელის პოსტზე კონგრესმენი ჯეიმს ბრაიდენსტაინი დაამტკიცა

2018-04-20 11:01:09, 1863 ნახვა

მსოფლიო

აშშ-ის სენატმა NASA-ს ხელმძღვანელის პოსტზე კონგრესმენი ჯეიმს ბრაიდენსტაინი დაამტკიცა. ამის შესახებ ინფორმაცია NASA-ს ოფიციალურ გვერდზე ვრცელდება.

მისი კანდიდატურა პრეზიდენტმა დონალდ ტრამპმა გასული წლის სექტემბერში წარადგინა.

მედიის ცნობით, კენჭისყრა მკაცრი პარტიული ხაზით წარიმართა, რადგან ბრაიდენსტაინის კანდიდატურას მწვავედ აკრიტიკებდნენ დემოკრატები, რომლებიც კანდიდატის არასაკმარის კვალიფიკაციაზე მიუთითებდნენ.

სენატში ბრაიდენსტაინს მხარი 50-მა სენატორმა დაუჭირა. წინააღმდეგ 49 წავიდა.

NASA-ს ახალი ხელმძღვანელი 42 წლისაა. მან კარიერა აშშ-ის საჰაერო ძალების სამხედრო მფრინავობით დაიწყო. შემდეგ ის ოკლაჰომას შტატში ავიაციის მუზეუმს ხელმძღვანელობდა.

Patreon P მხარი დაუჭირე "ექსპრესნიუსს" →

ავტორი: ,

სოციალური ქსელები