რუსეთმა სირიაში ქიმიური იარაღის გამოყენებაში ბრიტანეთი დაადანაშაულა

2018-04-16 19:23:16, 2204 ნახვა

მსოფლიო

მოსკოვი დიდ ბრიტანეთს სირიაში ქიმიური იარაღის გამოყენების ინსცენირებაში ადანაშაულებს, - ამის შესახებ ქიმიური იარაღის აკრძალვის ორგანიზაციაში (OPCW) რუსეთის ელჩმა ალექსანდრ შულგინმა განაცხადა.

როგორც ელჩმა აღნიშნა, არ არის გამორიცხული დიდი ბრიტანეთის დამხმარე ამერიკა ყოფილიყო.

„ეს იყო ბრიტანეთის დაზვერვის სამსახურების მიერ დაგეგმილი პროვოკაცია, აშშ-დან სავარაუდო მოკავშირეების მონაწილეობით. მიზანი საერთაშორისო საზოგადოების შეცდომაში შეყვანა და სირიის წინააღმდეგ აგრესიის გამართლება იყო“, - განაცხადა შულგინმა.

დიპლომატის განცხადებით, მოსკოვს აქვს უტყუარი მტკიცებულება, რომ 7 აპრილს სირიის ქალაქ დუმაში ქიმიური იარაღით თავდასხმა არ მომხდარა.

Patreon P მხარი დაუჭირე "ექსპრესნიუსს" →

ავტორი: ,

სოციალური ქსელები