ციხელაშვილი: მთავარი ამოცანაა, არჩილ ტატუნაშვილის საქმეზე სათანადო გამოძიება ჩატარდეს

2018-03-24 15:21:18, 1702 ნახვა

კომენტარი

შერიგებისა და სამოქალაქო თანასწორობის საკითხებში სახელმწიფო მინისტრის ქეთევან ციხელაშვილის განცხადებით, არჩილ ტატუნაშვილისთვის ღირსეული პატივის მიგების შემდეგ, ხელისუფლების მთავარი ამოცანა მისი მკვლელების დასჯა იქნება.

როგორც ციხელაშვილმა აღნიშნა, საქართველომ პარტნიორებთან ერთად უნდა აამოქმედოს ყველა ინსტრუმენტი, რათა მსგავსი ფაქტების პრევენცია მოხდეს.

"დღეს ყველანი უნდა ვიყოთ პირველ რიგში არჩილ ტატუნაშვილის ოჯახის გვერდში. რა თქმა უნდა ამის შემდგომ ჩვენი მთავარი ამოცანა არის ის, რომ ჩატარდეს სათანადო გამოძიება. ერთის მხრივ იმის გამო, რომ შესაბამისი რეაგირება იყოს ამ უმძიმეს ფაქტზე და მეორეს მხრივ ამოქმედდეს აბსოლუტურად ყველა ინსტრუმენტი, რომელიც გააჩნია საქართველოს ხელისუფლებას, ჩვენს საერთაშორისო პარტნიორებთან ერთად, იმისათვის, რომ მოხდეს მსგავსი ფაქტების პრევენცია, რომელიც წლების განმავლობაში ჩვენდა სამწუხაროდ ხდება ჩვენს ტერიტორიაზე", - განაცხადა მინისტრმა.

ცნობისთვის, არჩილ ტატუნაშვილი წეროვანში, წმინდა გიორგის სახელობის ეკლესიიდან უკვე გამოასვენეს. მას მუხათგვერდის ძმათა სასაფლაოზე ცოტა ხანში სამხედრო პატივით დაკრძალავენ.

Patreon P მხარი დაუჭირე "ექსპრესნიუსს" →

ავტორი: ,

სოციალური ქსელები