„ბელარუსის პრეზიდენტის ალექსანდრ ლუკაშენკოს მიერ აფხაზეთის საქართველოს მხარედ მოხსენიება სამწუხაროა“, - ამის შესახებ ოკუპირებული აფხაზეთის დე-ფაქტო საგარეო საქმეთა სამინისტროს განცხადებაშია აღნიშნული.

როგორც დე-ფაქტო უწყებაში აღნიშნავენ, მათთვის გაუგებარია, რატომ მოიხსენია ბელარუსის პრეზიდენტმა აფხაზეთი საქართველოს ტერიტორიული მთლიანობის კონტექსტში.

"ბელარუსის მეთაურისთვის, ცნობილი უნდა იყოს, რომ აფხაზეთის რესპუბლიკა არ არის საქართველოს მხარე და 2008 წლის ომის დროს, რუსეთმა მისი სუვერენიტეტი და დამოუკიდებლობა აღიარა. აფხაზეთსა და რუსეთს შორის ურთიერთობები სტრატეგიულ ხასიათს ეფუძნება. აფხაზეთის რესპუბლიკა ურთიერთობებს ამყარებს გაერო-ს სხვა წევრ ქვეყნებთანაც. აფხაზეთს ყოველწლიურად მილიონამდე ტურისტი სტუმრობს, მათ შორის, ბალარუსის მოქალაქეები, რომლებისთვისაც უვიზო მიმოსვლაა დაწესებული. ამიტომ ალექსანდრე ლუკაშენკოს განცხადება იმასთან დაკავშირებით, რომ აფხაზეთი "რაღაც გაუგებრობად" იქცა არ შეიძლება გასაკვირი არ იყოს. რუსეთის მოკავშირე ქვეყნის ლიდერს მსგავსი განცხადებების გაჟღერება არ შეეფერება, ის აფხაზეთის რესპუბლიკას შეურაცხყოფას აყენებს", - ნათქვამია დე-ფაქტო საგარეო უწყების განცხადებაში.

შეგახსენებთ, ავლაბრის რეზიდენციაში პრეზიდენტ გიორგი მარგველაშვილთან შეხვედრისას, ალექსანდრე ლუკაშენკომ სოხუმში ვიზიტი გაიხსენა და მწუხარება გამოთქვა იმასთან დაკავშირებით, რომ იქ ჩასვლა არავისთვისაა შესაძლებელი.

,,თბილისში მხოლოდ მეორედ ვარ. მე ადრე ჩავედი სოხუმამდე... მაგრამ ახლა, სამწუხაროდ, შეიქმნა გაუგებრობა.. არავისთვისაა შესაძლებელი იქ ჩასვლა, და ეს მშვენიერი მხარე, ჩემი საყვარელი მხარე გადაქცეულია გაუგებარ რაღაცად... ამიტომაც, აქ ყოველთვის ჩამოვდივარ თრთოლვით, იმ მოლოდინით, რომ აქ ძალიან კარგი კეთილი, პატიოსანი ხალხია, ისეთივე როგორც ბელარუსში“, - აღნიშნა ალექსანდრე ლუკაშენკომ და ქართველი ხალხის სტუმართმეოყვარეობას გაუსვა ხაზი.

ავტორი: ,

სოციალური ქსელები

მთავრობამ კვების ობიექტებისთვის პლასტმასის ერთჯერადი კონტეინერებისა და ჭიქებით სურსათის მიწოდების აკრძალვის ამოქმედება გადაავადა

ანაკლიის პორტს სახელმწიფო ააშენებს - მთავრობამ პროექტის მოდელი შეცვალა

Politico: ნატოს ქვეყნები რუსეთთან ომის შემთხვევაში თავდაცვას აძლიერებენ

ირანი საზოგადოებრივი აზრის გასაკონტროლებლად ხამენეის დაკრძალვის გაშუქების ერთიან წესებს აწესებს