სერგეი სკრიპალის მოწამვლის გამო, გერმანია, პოლონეთი, ესტონეთი, ლატვია და ლიტვა საკუთარი ქვეყნებიდან რუს დიპლომატებს გააძევებენ.

აქვეყნების სია ბრიტანულმა გამოცემა The Guardian-მა  გამოაქვეყნა.

ასევე, ევროსაბჭოს პრეზიდენტმა დონალდ ტუსკმა „ტვიტერის“ საკუთარ გვერდზე დაწერა, რომ ევროპა დიდი ბრიტანეთის მოსაზრებას იზიარებს და დასძინა, რომ ამ საკითხზე მას მეტი განმარტების გაკეთება არ შეუძლია.

მანამდე, ცნობილი გახდა, რომ ევროკავშირი მოსკოვიდან მათ წარმომადგენელს სერგეი სკრიპალის მოწამვლის საქმის გამო, გამოიწვევს. ბრიუსელში სამმხრივი შეხვედრისას ტერეზა მეიმ ანგელა მერკელთან და ემანუელ მაკრონთან სერგეი და იულია სკრიპალების მოწამვლაზე ისაუბრა.

20 წუთიანი აუდიენციისას ორი ქვეყნის ლიდერმა დიდი ბრიტანეთის პრემიერს სოლიდარობა გამოუცხადეს. მხარეები ამ საკითხზე ევროპის ერთიანი გზავნილის შემუშავებაზეც შეთანხმდნენ

ცნობისთვის, 12 მარტს, ბრიტანეთის პრემიერმა ტერეზა მეიმ განაცხადა, რომ სერგეი სკრიპალის მოწამვლის უკან დიდი ალბათობით რუსეთი დგას. როგორც მან განმარტა, სკრიპალი და მისი ქალიშვილი მოწამლეს ნივთიერებით, რომელიც რუსეთში დამზადდა. აღნიშნულის გამო, ბრიტანეთი ქვეყნიდან 23 რუსი დიპლომატის გაძევებას გეგმავს. მოგვიანებით ბრალდებებს რუსეთის საგარეო საქმეთა სამინისტრო გამოეხმაურა. უწყების პრესსპიკერმა მარია ზახაროვამ ტერეზა მეის გამოსვლას "საცირკო შოუ" უწოდა. განცხადება ასევე საგარო უწყების ხელმძღვანელმა სერგეი ლავროვმაც გააკეთა და აღნიშნა, რომ საპასუხოდ რუსეთიდან ბრიტანელ დიპლომატებს გააძევებენ.

შეგახსენებთ, რომ სერგეი სკრიპალი და მისი შვილი იულია 4 მარტს დიდი ბრიტანეთის ქალაქ სოლსბერის სავაჭრო ცენტრში უგონო მდგომარეობაში იპოვეს და საავადმყოფოში გადაიყვანეს. პოლკოვნიკი სერგეი სკრიპალი 1999 წლამდე რუსეთის გენერალური შტაბის დაზვერვის მთავარ განყოფილებაში მუშაობდა. 2006 წელს მას ბრიტანეთის დაზვერვის სასარგებლოდ ჯაშუშობისთვის 13 წლით თავისუფლების აღკვეთა მიუსაჯეს. 2010 წელს ის რუსულ, ამერიკულ და ბრიტანულ სპეცსამსახურებს შორის გაცვლის ოპერაციის ფარგლებში შეიწყალეს.

ავტორი: ,

სოციალური ქსელები

საია: ევროპის საბჭოს კომისარი შეუერთდა საქართველოს „უცხოელი აგენტების“ შესახებ კანონის საქმეს

ჰერჩინსკი - მსოფლიო გამოწვევებთან გამკლავებით, ევროპა მხოლოდ ძლიერდება, საქართველო მათ შორის არ არის

"თეგეტამ" Rainmaking-ისა და Startupbootcamp Georgia-ს ლიდერშიფსერიის პირველ ღონისძიებას უმასპინძლა

კახა კალაძე 4 ოქტომბრის საქმეზე მორიგ დაკავებაზე: შესაბამისი საგამოძიებო უწყებები მოწოდების სიმაღლეზე არიან, ყველამ უნდა აგოს პასუხი