საქართველოს პრეზიდენტმა გიორგი მარგველაშვილმა ბელარუს კოლეგასთან ერთად გამართულ პრესკონფერენციაზე, ვიზიტის ფარგლებში ხელმოწერილ ხელშეკრულებებზე ისაუბრა.

მარგველაშვილმა განსაკუთრებით გამოყო „ბელარუსის რესპუბლიკასა და საქართველოს შორის თანამშრომლობის შესახებ ჩარჩო ხელშეკრულება“, რომლითაც  საქართველო და ბელარუსი ადასტურებენ საერთაშორისო სამართლის საყოველთაოდ აღიარებული პრინციპების ერთგულებას, სუვერენული თანასწორობის პატივისცემას, ტერიტორიულ მთლიანობას საერთაშორისოდ აღიარებულ საზღვრებში და შიდა საქმეებში ჩაურევლობას.

ასევე, მხარეები ითვალისწინებენ საერთო ინტერესებს ყველა სფეროში განამტკიცონ  მეგობრული ურთიერთობები:

„ჩვენი ურთიერთობების ინტენსიფიკცია უკავშირდება თქვენს ჩამობრძანებას 2015 წელს და იმ პერიოდის შემდეგ ჩვენ მოვახერხეთ არაერთი მნიშვნელოვანი მიმართულებით ჩვენი ორმხრივი ურთიერთობების გაღრმავება. ჭეშმარიტად თქვენი დღევანდელი ვიზიტი აჯამებს იმ ინტენსიურ თანამშრომლობას, რომელიც ჩვენს სახელმწიფოებს შორის ამ პერიოდში განხორციელდა. დღეს მოეწერა ხელი არაერთ შეთანხმებას და რაც ყველაზე მნიშვნელოვანია, იმ  ჩარჩო ხელშეკრულებას, რომელიც მტკიცე საფუძველს შეუქმნის ქართულ-ბელორუსული ურთიერთობების გაღრმავებას და განსაზღვრავს კეთილმეზობლურ, პროდუქტიულ თანამშრომლობას ჩვენს ერებს შორის მომავალი  ათწლეულების განმავლობაში. მოვაწერეთ ხელშეკრულებებს ხელი, რომელბიც დაფუძნებულია ერთმანეთის ინტერესების  გათვალისწინებაზე, ერთმანეთის პატივისცემაზე, ორივე სახელმწიფოს ტერიტორიული მთლიანობის, სუვერენიტეტისა და უფლებების სრულ აღიარებაზე. ეს არის ის მტკიცე საფუძველი,  რაც ქართველ და ბელარუს ხალხს მომავალში თანამშრომლობის ფართე გზას გაუხსნის. ბატონო პრეზიდენტო, განსაკუთრებით ჩვენს თანამშრომლობაში მეხება და მაღელვებს ის დამოკიდებულება, როგორც ბელარუსები მუშაობენ  ქართველებთან. არაერთი ეკონომიკური თანამშრომლობის პროექტი დამყარებულია არა მხოლოდ ერთმანეთის მომგებიან ეკონომიკური პროცესების გაღრმავებაზე, არამედ რაც ძალიან მნიშვნელოვანია, საქართველოში ბელორუსები ჩამოდიან არა მარტო კომერციისთვის, არამედ ისინი ჩამოდიან იმისთვის, რომ შექმნან მნიშვნელოვანი შემადგენლები არაერთი მიმართულებით, იქნება ახალი ტექნოლოგიები, იქნება ეს სოფლის მეურნეობა, ჯანდაცვის სფერო. ასეთი ღია დამოკიდებულება, დამოკიდებულება, რომელიც არ არის დამყარებული მხოლოდ მომგებიანობის პრინციპზე. მართლაც ჩვენთვის არა მხოლოდ საინტერესოა, არამედ ემოციურადაც საინტერესოა. დღეს თქვენი ვიზიტის დროს აღნიშნეთ, რომ არ არსებობს დახურული თემები თანამშრომლობისათვის, ნამდვილად ასეთი სულიკვეთება ჩვენთვის ძალიან ბევრს ნიშნავს. თქვენ მართლაც ბევრს მიაღწიეთ,  როდესაც არ გაანიავეთ და არ გააჩანაგეთ ის დიდი  შესაძლებლობები, რომლებიც ბელორუსს ჰქონდა, შეინახეთ ის მატერიალურ-ტექნიკური ბაზა, რომელიც მე-20 საუკუნის დასაწყისიდან ერთობლივად 21-ე საუკუნის ტექნოლოგიებამდე მიიყვანეთ.ჩვენ დღეს ვისუაბრეთ იმ ეკონომიკურ შესაძლებლობებზე, რომელსაც ჩვენ ორ ქვეყანაში ვხედავთ, აგრეთვე ვილაპარაკეთ იმ სატრანსპორტო შესაძლებლობეზე, რომელიც საქართველომ და ბელარუსმა ერთმანეთს უნდა გაუხსნას. დარწმუნებული ვარ, ის მტკიცე  ფუნდამენტი, რომელიც ჩვენ ჩავუყარეთ ამ ურთიერთობებს, მისცემს შესაძლებლობებს შესაბამის უწყებებს, ბიზნესს, საზოგადოებას, სამეცნიერო სფეროს სწარმომადგენლებს, ფართედ გაშალონ ჩვენი თანამშრომლოობა“,-განაცხადა გიორგი მარგველაშვილმა.

ავტორი: ,

სოციალური ქსელები

ბოჭორიშვილი: ნაურუს მიერ მიღებული გადაწყვეტილება აფხაზეთისა და სამხრეთ ოსეთთან დიპლომატიური ურთიერთობების გაწყვეტის შესახებ, საქართველოს არაღიარების პოლიტიკის მნიშვნელოვანი გამარჯვებაა

საქართველოს ბანკის ფინანსური განათლების ეკოსისტემა - ინიციატივა, რომელიც ფინანსურ განათლებას ყველა თაობისთვის ხელმისაწვდომს ხდის

დუროვმა რუსეთში ტერორიზმის ხელშეწყობაში ბრალს ფოტოთი უპასუხა

ბერძენიშვილი: საზოგადოებრივი მაუწყებლის თანამშრომლებს არ აქვთ უფლება, სოციალურ მედიაში საკუთარი აზრი გამოხატონ